Biełaruskija karystalniki «Vkontaktie» vykryvajuć piedafiłaŭ
I vykładajuć videa razmovy ź imi ŭ internet.
«Palaŭničyja» na piedafiłaŭ stvarajuć na sajcie znajomstvaŭ ankietu dziaŭčynki/chłopčyka 12-14 hadoŭ.I čakajuć prapanovaŭ sustrecca dla seksu, pry hetym akcentujučy ŭzrost.
Kali pierapiska ź nieprystojnymi prapanovami praciahvajecca, to damaŭlajucca na sustreču.Adnak zamiest čakanaj «łality» niaŭdałych piedafiłaŭ čakajuć dužyja chłopcy.
«My prychodzim, kab rasčaravać piedafiła i krychu ź im pahutaryć», — zajaŭlajuć stvaralniki supołki «Stop Vybludki».Pry hetym padkreślivajuć, što ŭ dačynieńni da patencyjnaha piedafiła hvałt nie ŭžyvajecca. «My adno zdymajem sustrečy na videa, patrabujučy pryznańniaŭ i prabačeńniaŭ».
Na dadzieny momant u supołcy jość 3 videazapisy takich razmovaŭ.Na ŭsich – mužčyny 35-40 hadoŭ. Adnaho «niaŭdałaha» piedafiła ŭžo raspaznali, ukazali jaho imia i proźvišča. Jašče adzin akazaŭsia byłym «afhancam» (pakazaŭ svajo paśviedčańnie). Darečy, «afhaniec» vybačyŭsia i navat «padziakavaŭ, što mazhi ŭpravili», raskazvaje maderatar supołki.
Voś što apavioŭ «Našaj Nivie» aŭtar idei, zarehistravany pad nikam «Stop Vybludki» (sapraŭdnaje imia jon nie paviedamiŭ, bo nie choča słavy i baicca prablem ź milicyjaj).
«Ja doŭhi čas sačyŭ za pracaj našych, kali tak možna skazać, kaleh z Rasii. Adnojčy ich videa raźmiaścili na adnym ź biełaruskich sajtaŭ.
Tady ja pakinuŭ kamientar sa słovami «Moža i ŭ nas stvaryć niešta padobnaje?». Adnak nichto mianie nie padtrymaŭ, a niechta navat adkazaŭ «Dy ŭ nas ich niama, jany ŭsiaho bajacca».
Minuŭ miesiac. U kalehaŭ z Rasii vyjšła novaje videa.
Paśla prahladu ja vyrašyŭ usio ž pasprabavać stvaryć ankietu dziaŭčynki 14 hadoŭ.Dadaŭ paru fotak.
Praź niejki čas mnie napisali kala 20-ci čałaviek! Tracina ź ich u adkrytuju kazali, što chočuć seksu.
Paśla słovaŭ «mnie ŭsiaho 14 hadoŭ» niechta paprasiŭ prabačeńnia i pierastaŭ pisać. A niechta praciahvaŭ, kažučy «Nu i što? Mianie heta zusim nie zasmučaje!».Voś takich ludziej my i łovim».
Pa słovach aŭtara idei, adzin z «piedafiłaŭ» prasiŭ vydalić videa, ale jamu admovili. «Na žal ci na ščaście, ja ŭsio mienš škaduju takich ludziej. Adnak usio, što my robim, zastajecca ŭ kadry.
My nie vykarystoŭvajem siłu. My robim heta prosta, kab być choć čymści karysnymi dla hramadstva».
Supołka «Stop Vybludki» była stvorana 21 sakavika 2012 hoda. Ciapier u joj bolš za 1000 udzielnikaŭ. Niadaŭna źjaviłasia i rehijanalnaja «filija» ŭ Viciebsku.
My parazmaŭlali z adnym z udzielnikaŭ supołki «Stop Vybludki» Alaksiejem Łysym.
Naša Niva: Alaksieju, čamu vyrašyŭ dałučycca?
Alaksiej Łysy: Nikoli nie tryvaŭ vyčvarencaŭ. Niachaj heta buduć «hiei», «piedafiły» ci niechta jašče. Bo kali prablemu zapuścić, vyniki buduć našmat horšymi. A ŭ dadzienym vypadku niekatorym «mazhi» na miesca stanoviacca. Strachaterapija, ci što.
NN: Hiei, pa-tvojmu, taksama vyčvarency?
AŁ: Kali vy chočacie viedać majo asabistaje mierakavańnie, to tak. Ale heta nijak nie tyčycca našaha prajekta.
Zrešty, na aŭtaraŭ idei abrynułasia niamała krytyki. Maŭlaŭ, heta samasud.A jašče – pravakacyja, bo 12-14 hadovych na sajtach «znajomstvaŭ» uvohule nie pavinna być.
Aŭtary, u svaju čarhu, zajaŭlajuć, što jany nie prajaŭlajuć inicyjatyvu, a naadvarot, čakajuć prapanovy ad karystalnikaŭ sajtaŭ znajomstvaŭ. A pakolki fizičnaja siła ŭ dačynieńni da tych, chto pryjšoŭ na sustreču, nie vykarystoŭvajecca, naŭrad ci možna nazvać heta samasudam.
Inšaja reč, kali čałaviek prosić vydalić ułasnaje fota ci videa z sajta. Kali heta nie zroblena, jon maje prava padać na sajt u sud. Adnak naŭrad ci tyja, chto «trapiŭ», zachočuć ahałošvańnia.
Jak paviedamiŭ Tut.by Aleh Ślepčanka, namieśnik načalnika ŭpraŭleńnia pa raskryćci złačynstvaŭ u śfiery vysokich technałohij, hetaja akcyja nie źjaŭlajecca inicyjatyvaj MUS. Chutčej za ŭsio, inicyjatarami stali nieabyjakavyja karystalniki internetu.
Asobna źniataje videa ci pakazanaja ŭ roliku pierapiska jašče nie dokaz viny.
«Dadzienaja hrupa «Ukantakcie» nie skazać što dziejničaje nie ŭ ramkach zakona, ale na miažy», — kaža Ślepčanka.Hałoŭnaje, kab hetyja maładziony nie ŭčynili «sud Linča», zaścierahaje jon.
Što budzie dalej z «piedafiłami», — vyrašyć narod, kaža Alaksiej Łysy.U realnaści, kaža jon, hetyja ludzi nahadvajuć zabitych niaŭdačnikaŭ, jakija čaściej za ŭsio ŭ internecie vykładajuć nie svajo fota.
Kamientary