U litoŭcaŭ na pradukty idzie čverć vydatkaŭ, u rasiejcaŭ — tracina.
Niadaŭna analityki z rasijskaha RIA «Naviny» skłali svojeasablivy rejtynh krain pa vydatkach na charčavańnie. Čym bolš žychary niejkaj dziaržavy traciać na ježu, tym bolš nizki radok u rejtynhu jany zajmajuć.
Biełaruś u rejtynhu apynułasia amal u samym chvaście. A ŭsio tamu, što, pavodle dadzienych na kaniec minułaha hoda, bolš za 40% usich našych vydatkaŭ - heta vydatki na ježu. Vyjšła, što na pradukty my tracim ŭ dva razy bolš za palakaŭ i ŭ try razy bolš za lidaraŭ rejtynhu - luksiemburžcaŭ. Zatoje my abahnali ukraincaŭ.
Sprava ŭ tym, što ŭ Biełarusi zarobki nizkija, a pradukty kaštujuć amal stolki, jak i ŭ susiednich krainach. Roźnica ŭ cenach składaje na siońnia ŭ siarednim pracentaŭ 20—30, a voś dachody ŭ Biełarusi ŭ 2—3 nižejšyja, čym u Litvie, Polščy da navat Rasii.
Jakuju dolu siamiejnaha biudžetu «źjadajuć» u roznych krainach
Luksiemburh - 14,1%
Vialikabrytanija - 17,3%
Hiermanija - 14,6%
Šviecyja - 15,7%
Francyja - 17,6%
Italija - 21,4%
Čechija - 19,3%
Polšča - 20,4%
Litva - 25,2%
Rasija - 32,1%
Biełaruś - 41,3%
Ukraina - 50%
Dola vydatkaŭ chatnich haspadarak na charčavańnie ŭ ahulnaj kolkaści spažyvieckich vydatkaŭ. Uklučanyja vydatki na kuplu praduktaŭ i charčavańnie pa-za domam. Pavodle źviestak RIA «Naviny».
Kolki ŭ Biełarusi tracili na ježu ŭ roznyja hady
2011 hod - 41,3%
2010 hod - 39,0%
2009 hod - 40,2%
2005 hod - 44,6%
2000 hod - 59,6%
1995 hod - 61,6%
Pavodle dadzienych Biełstata, dola spažyvieckich raschodaŭ chatnich haspadarak na charčavańnie.
Kamientar ekanamista
«Čym bolšy prybytak, tym mienš idzie na ježu»
— Dola raschodaŭ na charčavańnie ličycca adnym ź indykataraŭ uzroŭniu žyćcia, — tłumačyć ekanamistka Biełaruskaha ekanamičnaha daśledča-adukacyjnaha centra (BEROC) Kaciaryna Barnukova. — Pryniata ličyć, što pry roście zarpłaty vydatki na charčavańnie rastuć pavolniej, i atrymlivajecca, što toj, u kaho prybytak vyšejšy, tracić na charčavańnie mienšuju dolu svaich dachodaŭ. Tak vychodzić tamu, što vydatki na charčavańnie — vydatki pieršaj nieabchodnaści, i jany nie asabliva źmianiajucca ŭ zaležnaści ad uzroŭniu prybytku.
Kamientary