Nacyjanalny bank Biełarusi ŭ 2013 hodzie moža pačać padrychtoŭku da denaminacyi biełaruskaha rubla, ab hetym paviedamiła staršynia praŭleńnia Nacbanka Nadzieja Jermakova ŭ Pałacie pradstaŭnikoŭ, pieradaje BiełTA.
Nahadajem, što raniej Jermakova nieadnarazova kazała pra mahčymuju denaminacyju.
Tak, u kancy minułaha tydnia na sustrečy z pracoŭnym kalektyvam Słuckaha zavoda emalposudu kiraŭnik Nacbanka, zajaviła, što ŭ 2013 hodzie ŭ Biełarusi moža być razhledžana pytańnie ab denaminacyi. Jana taksama patłumačyła, što pytańnie pra ŭviadzieńni na terytoryi Biełarusi rasijskaha rubla nie razhladajecca, adznačyła, što sama nie prychilnik takoha rašeńnia i vystupaje za zachavańnie suvierenitetu. Z nahody mahčymaj denaminacyi biełaruskaha rubla Jermakova skazała, što, chutčej za ŭsio, tolki ŭ 2013 hodzie ŭmovy mohuć spryjać tamu, kab zaniacca razhladam hetaha pytańnia.
14 sakavika ŭ chodzie pramoj linii ŭ haziecie «Respublika» Nadzieja Jermakova taksama vykazvałasia adnosna mahčymaści praviadzieńnia denaminacyi.
U pryvatnaści, kiraŭnik Nacbanka vykazała mierkavańnie, što pierš čym pravodzić u Biełarusi denaminacyju, treba całkam adnavić ekanomiku.
***
Apošni raz denaminacyja biełaruskaha rubla - u suadnosinach 1:1.000 - pravodziłasia ŭ Biełarusi 1 studzienia 2000 hoda. Tady Nacyjanalny bank uvioŭ u abaračeńnie banknoty vartaściu 1, 5, 10, 20, 50, 100, 500, 1.000 i 5.000 rubloŭ, a paźniej - 10.000, 20.000, 50.000 i 100.000 rubloŭ. Na praciahu 2000 hoda ažyćciaŭlałasia paralelnaje chadžeńnie kupiur staroha i novaha ŭzoru. 30 śniežnia 2003 hoda termin abmienu starych hrošaj minuŭ.
12 sakavika 2012 hoda Nacbank uvioŭ u abaračeńnie novuju samuju bujnuju kupiuru naminałam 200 tysiač biełaruskich rubloŭ, što składaje kala 25 dalaraŭ ZŠA pa biahučym kursie
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary