77-hadovaja doktarka z Homiela pakaranaja pazbaŭleńniem voli za atrymańnie chabaru
Sud Navabielickaha rajona Homiela 18 maja vynies pryhavor 77-hadovamu ŭraču-nieŭrołahu haradskoj palikliniki № 1.U hetaj lačebnaj ustanovie adbyłosia vyjaznoje pasiadžeńnie suda. Žančyna pryznanaja vinavataj u atrymańni chabaru, niezakonnaha ŭznaharodžańnia i słužbovym padłohu.
Jak paviedamiŭ dziaržaŭny abvinavaŭca Alaksiej Skarachod,
doktarka pakaranaja tryma hadami pazbaŭleńnia voli z kanfiskacyjaj majomaści z adterminoŭkaj pryhavoru na dva hady.
Na vyjaznoje pasiadžeńnie byli zaprošanyja rabotniki palikliniki, a taksama namieśnik načalnika ŭpraŭleńnia achovy zdaroŭja Homielskaha abłvykankama. Pa inicyjatyvie prakuratury vyjaznoje pasiadžeńnie pravodzicca z metaj prafiłaktyki złačynstvaŭ.
Za dva hady ŭrač atrymała niezakonny dachod u pamiery 1 miljona 235 tysiač rubloŭ. U materyjałach spravy 31 epizod.Urač poŭnaściu pryznała svaju vinu i raskajałasia ŭ tym, što afarmlała listy časovaj niepracazdolnaści za chabar.
Adzin dzień niavychadu na pracu jana aceńvała ŭ 12-15 tysiač rubloŭ.Zdarovyja ludzi, jakija pažadali atrymać balničny, nie źjaŭlalisia na pryjom da nieŭrołaha asabista, a prasili pra pasłuhu miedsiastru palikliniki, joj ža pieradavali hrošy.
U dačynieńni da miedsiastry kryminalnaja sprava nie raspačynałasia, jana napisała jaŭku z pakajańniem. Sama abvinavačanaja ŭrač na sudzie patłumačyła, što išła na złačynstvy z-za ciažkaha materyjalnaha stanovišča.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary