Varoty ŭ JeŭraAziju ci prachod u Azijopu?

«Biełaruś — heta nie zadvorki Jeŭropy, a varoty ŭ JeŭraAziju, kluč da ŭvasableńnia idei intehracyi intehracyj, — zajaviŭ Alaksandr Łukašenka, vystupajučy ŭ časie kancerta da 1150-hodździa Połacka,

U hetaj idei my bačym najvažniejšuju misiju i hieapalityčnuju rolu našaj dziaržavy jak złučva», — zajaviŭ aficyjny kiraŭnik.

U vykazvańni Łukašenki bačycca farmuloŭka novaha zamiežnapalityčnaha kursu. Havorka bolš nie idzie pra vyklučnaść adnosinaŭ z Rasijaj.

Biełaruś choča ŭraŭnavažyć zaležnaść ad Rasiju ekanamičnymi intaresami Jeŭropy.

Adnak u Jeŭrazijskim sajuzie, jak i ŭ Mytnym sajuzie, Biełaruś užo ničoha nie vyrašaje. Prykładam stali pošliny na aŭtamabili: Rasija padniała ich u prymusovym paradku.

Usie susiedzi Biełarusi vybrali šlach pabudovy nacyjanalnych dziaržavaŭ, demakratyi i pryvatnaj ułasnaści.

Analityki padazrajuć, što Pucin praduhledžvaje dla Biełarusi inšuju budučyniu. Čarhovy vizit Pucina ŭ Minsk raspačynajecca 31 maja.

Heta budzie pieršy zamiežny vizit rasijskaha kiraŭnika.

Palitołah Andrej Suzdalcaŭ, piersona non-hrata ŭ Biełarusi, navat źjedliva zaŭvažyŭ, što Biełarusi dastałasia «prava pieršaj nočy».

Cikava, ale rasijskija prezidenty nie naviedvali Biełaruś až z 2009-ha. Tady Dźmitryj Miadźviedzieŭ pryjazdžaŭ u Minsk na pasiadžeńnie Jeŭrazijskaj ekanamičnaj supolnaści. Da hetaha Miadźviedzieŭ jašče byŭ u Breście na adznačeńni ŭhodkaŭ pačatku vajny 1941-ha.

Pucin i padčas svajho prezidenctva, i premjerstva naviedvaŭsia da Łukašenki nieparaŭnalna čaściej. Zrešty, i kiraŭnik Biełarusi adznačaŭ, što razmaŭlać z Pucinym jamu praściej, čym ź Miadźviedzievym.

Napiaredadni vizitu baki nazyvajuć svaje pryjarytety pieramovaŭ. Łukašenka skazaŭ, što choča pahavaryć pra supolny z Rasijaj ekspart kaliju. I choča naładzić taki ž ekspart azotu j fosfaru. Pucin ža paabiacaŭ abmierkavać stvareńnie parłamienta Jeŭrazijskaha ekanamičnaha sajuza.

Naŭrad ci pieramovy skončacca tolki hetymi momantami. Biełaruś nijak nie moža atrymać apošniuju tranšu kredytu Antykryzisnaha fondu JeŭrAzES, a Rasija — abiacańnia pryvatyzacyi niekatorych pradpryjemstvaŭ.

Nie skazać, što asablivy entuzijazm vyjaŭlajuć i dziaržaŭnyja ŚMI, asablivaha ŭschvaleńnia jeŭrazijskaj intehracyi ŭ ich nie nazirajecca.

Darečy, kab zabiaśpiečyć spakoj u dni prybyvańnia Pucina, paaryštoŭvali maładafrontaŭcaŭ. Jak raskazaŭ adzin z zatrymanych praz advakata, supracoŭniki KDB padčas dopytaŭ u Centry izalacyi adkrytym tekstam paviedamili maładafrontaŭcam: «Budziecie siadzieć, pokul nie źjedzie Pucin!».

Kiraŭnik łukašenkaŭskaha analityčnaha centra ECOOM Siarhiej Musijenka nie viedaje, jaki płan maje Pucin u dačynieńni Biełarusi. «Och, jak dobra heta było b daviedacca!» — śmiajecca jon

«Užo dvaccać hadoŭ možna pačuć, što Rasija nas pahłynie. Ale ničoha nie źmianiłasia. Daj Boh, kab i nie źmianiałasia. Kaniečnie,

na pieršych parach u Rasii isnavali šavinistyčnyja pohlady ab anšlusie Biełarusi. Ale ciapier my dabilisia, što z nami razmaŭlajuć, chaj i nie roŭnych, čujuć nas. Heta ŭžo vialikaja sprava».

Palityčny ahladalnik Alaksandr Kłaskoŭski ličyć: pieramovy za kulisami buduć ciažkimi. «Pucin budzie presinhavać, a Łukašenka sprabavać abyścisia małoj kryvioj». Kłaskoŭski miarkuje, što Pucin budzie nastojvać na vykanańni «kožnaha punktu padpisanych damovaŭ».

«Kali kazać słovami rasijskaj kłasiki, to nas jedzie revizor.

Jon akcentuje ŭvahu, što ad chady pieramovaŭ budzie zaležyć i budučynia biełaruska-jeŭrapiejskich adnosinaŭ. Kali pieramovy projduć niaŭdała, to znoŭ aktyvizujucca kantakty z Bruselem. Mahčyma, vyjduć na volu palitviaźni.

• 0
• 0
• 0
• 0
• 0
• 0
• 0
• 0