Polšča pakul nie płanuje realizacyi bujnych inviestprajektaŭ u Biełarusi, paviedamiŭ u Minsku 12 červienia na kanfierencyi «Polskaja ekanomika ŭ 2011 hodzie i prahnoz na 2012 hod» kiraŭnik adździeła sadziejničańnia handlu i inviestycyjam pasolstva Polščy ŭ Biełarusi Viesłaŭ Pakładek.
«Heta źviazana z vysokaj ryzykaj realizacyi takich prajektaŭ u Biełarusi. Takaja acenka inviestaraŭ. Što da drobnych prajektaŭ, to jany realizujucca, inviestary pracujuć», — rastłumačyŭ polski dypłamat.
Pavodle słovaŭ pradstaŭnika pasolstva, u Biełarusi adkryvajucca pradpryjemstvy z polskim kapitałam, ale ich «na paradak mienš, čym, naprykład, u 2010 hodzie. Cikavaść krychu źniziłasia». Jon nahadaŭ, što ŭ 2011 hodzie z Polščy ŭ Biełaruś pastupiła niepasrednych zamiežnych inviestycyj na $15,8 młn.
Pakładek upeŭnieny, što bolš aktyŭnamu prytoku ŭ Biełaruś kapitału z Polščy i inšych krain budzie spryjać dalejšaja libieralizacyja ekanomiki, reformy i ruch u bok rynkavych pieraŭtvareńniaŭ.
Na jaho dumku, stanoŭča na inviestycyjnyja adnosiny Polščy ź Biełaruśsiu paŭpłyvaje faktar Mytnaha sajuza. «Ale polskija kampanii bačać pierśpiektyvy niepasredna ŭ AEP. I tut važnaje značeńnie budzie mieć pastupovaje ŭrehulavańnie ŭsich pytańniaŭ, źviazanych jak z uzhadnieńniem techničnych rehłamientaŭ, tak i ŭ cełym z funkcyjanavańniem AEP», — skazaŭ Pakładek.
Ciapier čytajuć
Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach11
Kamientary