Pa asobnych akruhach na parłamienckich vybarach 23 vieraśnia moža spatrebicca praviadzieńnie druhoha tura. Ab hetym zajaviła žurnalistam 19 červienia staršynia Centrvybarkama Lidzija Jarmošyna.
Pavodle jaje słoŭ, vierahodnaść praviadzieńnia druhoha tura vybaraŭ budzie zaležać ad kolkaści zarehistravanych kandydataŭ u deputaty. «Kali ich budzie šmat i jany stanuć cikavyja vybarščyku, to hałasy mohuć być raściahnutyja i nichto z kandydataŭ nie nabiare nieabchodnuju dla pieramohi kolkaść hałasoŭ», — skazała kiraŭnik CVK.
Pry hetym Jarmošyna adznačyła, što «alternatyva — heta niakiepska, ale jana nie zaŭsiody dazvalaje vyznačycca vybarščyku ŭ pieravahach».
Jarmošyna taksama ličyć, što na vybarach hałoŭnaje nie kolkaść kandydataŭ, a ich jakaść. «Šmatlikija kandydaty, jakija skandalizujuć vybarčuju kampaniju, nie aŭtarytetnyja, mohuć zrabić vybary raznastajnymi, ale ci pravilna heta?» — adznačyła jana.
Kamientary