Były kiraŭnik Alimpijskaha kamiteta Aŭstryi Chajnc Junhvirt pryznany vinavatym u niezakonnym prysvajeńni 3,3 miljona jeŭra.
Sud nad im pačaŭsia jašče ŭ mai, a vyrak byŭ vyniesieny 31 lipienia.
U 2002 hodzie Junhvirt mieŭ niepasrednaje dačynieńnie da pryjomu delehacyi ź Biełarusi na čale z Alaksandram Łukašenkam i arhanizacyi ichniaha adpačynku ŭ Alpach. Publikacyi ŭ aŭstryjskich ŚMI pra toj pryjom dali šturšok dla raskryćcia i inšych afieraŭ kiraŭnictva NAK i Casinos Austria.
Na pieršych sudovych pasiadžeńniach minułaha tydnia abvinavačany Chajnc Junhvirt davaŭ pakazańni litaralna pa kožnym rachunku, jaki tyčyŭsia vakacyjaŭ Alaksandra Łukašenki.
U vyniku jak vyśvietliłasia ŭ chodzie słuchańniaŭ, šmattysiačnyja sumy «źnikali» z rachunkaŭ Alimpijskaha kamiteta i častkova pieravodzilisia niepasredna na asabistyja rachunki Junhvirta. Adnojčy jon pieravioŭ sabie 847 tysiač. Inšym razam na nieviadomyja patreby było vyłučana bolš za paŭmiljony.Pavodle materyjałaŭ suda, na vyručanyja złačynnym šlacham miljony Junhvirt nabyŭ dziesiać koniej dla vyjezdki i maniež 70 na 20 mietraŭ. Akramia taho, kiraŭnik Alimpijskaha kamiteta naniaŭ dla svajho syna vysokaapłatnaha treniera pa vyjezdcy.
Kamientary