U finale biełaruskaja źmiašanaja tenisnaja para pieramahła brytancaŭ.
Biełaruskaja źmiašanaja tenisnaja para ŭ składzie Maksima Mirnaha i Viktoryi Azaranki stali alimpijskimi čempijonami! Jany pieramahli ŭ finale brytancaŭ Łoru Robsan i Endzi Miureja ź likam 2:6, 6:3, 10–8.
Takim čynam, pieršaja rakietka śvietu Viktoryja Azaranka vyjhrała na Alimpijadzie druhi miedal — jana atrymała bronzu ŭ adzinočnych žanočych spabornictvach. Brytaniec Miurej taksama adznačyŭsia ŭ adzinočnym razradzie — niekalki hadzinaŭ tamu jon vyjhraŭ zołata.
U biełarusaŭ na Alimpijskich hulniach ciapier na rachunku siem miedaloŭ — dva załatyja, dva srebranyja, try bronzavyja.
Zołata: Maksim Mirny / Viktoryja Azaranka (tenis), Siarhiej Martynaŭ (stralba);
srebra: dva miedali Alaksandry Hierasimieni (płavańnie);
bronza: Maryna Škiermankova i Iryna Kuleša (ciažkaja atletyka), Viktoryja Azaranka (tenis).
Kamientary