Stolki treba sabrać, kab vykupić knihu Kazimira Siemianoviča «Vialikaje mastactva artyleryi».
Da skančeńnia terminu vykupu ŭnikalnaj knihi «Vialikaje mastactva artyleryi» Kazimira Siemianoviča zastałosia dziesiać dzion, adnak sabrać 15 tysiač jeŭra akazałasia ciažkaj zadačaj.
«My imkniomsia damovicca z pradaŭcom, kab jon padoŭžyŭ termin. — raskazvaje Andrej Radkoŭ, inicyjatar zboru srodkaŭ. — Adnak dakładna viadoma, što jon maje inšyja prapanovy".
Źbirać srodki pačali ŭ červieni. Piać miljonaŭ rubloŭ na knihu achviaravała firma «Trajpł»,amal usio astatniaje sabrali dobraachvotniki. Biznesoŭca i miecenat Pavieł Bierahovič achviaravaŭ na knihu dźvie tysiačy dalaraŭ.
«U internecie my rehularna sustrakajem mierkavańnie, maŭlaŭ, kolki možna žabravać, — raskazvaje spadar Radkoŭ. — Adnak heta narmalnaja suśvietnaja praktyka: Łondanskaja biblijateka, naprykład, nie curajecca źviartacca pa dapamohu da hramadstva. Skažu navat bolej, kali atrymajecca vykupić «Vialikaje mastactva artyleryi», to heta budzie adna z apošnich našych akcyj. Usio ž taki los vydańniaŭ słavutaj mahiloŭskaj brackaj drukarni mnie taksama nie daje spakoju, bo da taho, jak my vykupili siłami hramadskaści «Časoŭnik» i jašče try knižki, u muziejach horada było tolki paru mahiloŭskich vydańniaŭ. Jak tak vyjšła, što horad z takoj historyjaj zastaŭsia biez kulturnych zdabytkaŭ — niezrazumieła".
Dajecca taki zbor srodkaŭ nasamreč ciažka — hetym razam Andreju Radkovu daviałosia achviaravać ułasnaj pracaj.
Mahiloŭski muziej taksama nie hublaje nadziei vykupić redkaje vydańnie — u kancy červienia dyrekcyja arhanizavała dabračynny subotnik, ciapier idzie padrychtoŭka dabračynnaha kancerta ŭ padtrymku zboru srodkaŭ.
«My ličym, što knihi — heta najvyšejšy kulturny zdabytak nacyi. — kaža Radkoŭ. — Tym bolš,
my ŭžo nie zdolnyja vykupić karony ci trony kniazioŭ, albo tvory suśvietna viadomych mastakoŭ, što ŭpryhožvali biełaruskija pałacy i zamki - bolšaść ź ich znachodzicca ŭ muziejach i zborach susiednich krain. Ale siońnia ŭ nas jość taki šaniec — vyratavać choć kroplu našych kulturnych kaštoŭnaściaŭ".
Hrošy na nabyćcio knihi možna pieraličvać na adras abo na rachunak «Muzieja historyi Mahilova»:
UK «Muziej historyi Mahilova»
212030 h. Mahiloŭ, vuł. Leninskaja, 1, A, teł.
UNP 790203960
Filijał 700 MAU AAT «ASB Biełarusbank» MFA 153801536
h. Mahiloŭ, vuł. Pieršamajskaja, 71
Dyrektar Baciukoŭ Alaksiej Mikałajevič
U paznačeńni płaciaža ukazvać «Na raźvićcio muziejnaj spravy i achovu
Taksama možna pieravieści hrošy praź internet — praź sierviery WebMoney i EasyPay
Numary rachunkaŭ
WebMoney
U dalarach ZŠA: Z116082323771
U jeŭra: E383254056071
U rasijskich rublach: R360165731291
U biełaruskich rublach: B397362066338
EasyPay
U biełaruskich rublach: № 32752117
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach6
Kamientary