Čaves słovami Łukašenki rychtuje Vieniesuełu da «elehantnaj pieramohi»
Vieniesuelskija palitołahi ličać, što kiraŭnik Biełarusi «dzielicca vopytam».
Čaves paabiacaŭ «samyja prazrystyja vybary ŭ śviecie» i paviedamiŭ, što prezidentam Vieniesueły stanie jon. Nahadajem, što Alaksandr Łukašenka taksama paśladoŭna nazyvaje biełaruskija vybary «samymi demakratyčnymi ŭ śviecie». Heta pry tym, što hałasy ŭ Biełarusi ličać jahonyja ž ludzi, a vynikovuju ličbu padliku abviaščaje asabista kiraŭnik učastkovaj vybarčaj kamisii. Pry hetym u parłamiencie zasiadajuć adny łukašenkaŭcy.
Vystupajučy na pieradvybarnym mitynhu ŭ horadzie Kumana,
Čaves vykazaŭ upeŭnienaść, što nabiare nie mienš za 70% hałasoŭ.
«Havorka idzie nie pra toje, chto vyjhraje, heta ŭžo viadoma zahadzia, havorka idzie pra toje, ź jakoj roźnicaj u liku hałasoŭ vyjhraje Čavies. Heta budzie nakaŭt, 70%, heta značyć 10 młn hałasoŭ «, — zajaviŭ prezident Vieniesueły.
Aficyjny vynik usich biełaruskich vybaraŭ i refierendumaŭ taksama zaŭždy vahajecca miž 75 i 80% hałasoŭ, niahledziačy na palityčnuju i ekanamičnuju situacyju ŭ krainie. Palittechnołahi dyktataraŭ ličać, što pry takoj ličbie palityčnyja praciŭniki pačynajuć adčuvać siabie rastaptanaj mienšaściu.
Na papiarednich vybarach małady i zdarovy Čaves nabiraŭ kala 60% hałasoŭ, a adzin z refierendumaŭ, pra kancentracyju paŭnamoŭctvaŭ, navat prajhraŭ.Samyja papularnyja kiraŭniki demakratyčnych krain — takimi byli Rejhan, Kol, Tetčer, ciapier Abama — pieramahajuć, nabirajučy 53–60% hałasoŭ.
Čaves viadzie svaju kampaniju, raspalvajučy pačućcie supiernictva z bahatymi, malujučy svajho praciŭnika kandydatam ad bahatyroŭ.
Na minułym tydni, vystupajučy na čarhovym vybarčym mitynhu, Čavies zajaviŭ, što jaho pieramoha vyhadnaja navat zamožnym hramadzianam.
«Maja pieramoha harantuje navat bahatym, što jany mohuć praciahvać žyć spakojna.Pieramoha pradstaŭnika bujnoj buržuazii aznačała b destabilizacyju krainy, a heta niavyhadna bahatym, jakija lubiać spakojnaje žyćcio. Što budzie, kali buržuazija voźmie vierch 7 kastryčnika? Krainu achopić vichor, sapraŭdny vichor», — zajaviŭ prezident Vieniesueły.
Vybary prezidenta Vieniesueły projduć 7 kastryčnika.Čaves dvojčy chvareŭ na ankałohiju, apošni raz u pačatku hetaha hoda, ale abviaściŭ, što całkam vyzdaravieŭ.
Vieniesuelskija palitołahi ličać, što Čaves akazvaje ščodruju padtrymku Biełarusi, bo ŭzamien Alaksandr Łukašenka dzielicca ź im vopytam pa ŭtrymańni ŭłady.
Łukašenka kiruje Biełaruśsiu 18 hadoŭ. Daŭžej u Jeŭrazii trymajucca tolki aŭtarytarnyja kiraŭniki abo dynastyi Uźbiekistana, Kazachstana, Azierbajdžana, Karei, Siryi, Saudaŭskaj Aravii dy inšych manarchij.
Ciapier čytajuć
Represii razhaniajucca ci zapavolvajucca? Davajcie ličyć6
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary