Prahrama ad biełaruskich prahramistaŭ rychtujecca źniščyć manapoliju Skype
Prahramu prydumali ŭ Izraili, ale praca nad stvareńniem viadziecca ŭ Minsku i Breście.
Biznes-vydańnie Bloomberg Businessweek apublikavała vialiki artykuł, pryśviečany rynku biełaruskich IT-kampanij, što prapanujuć adnosna tannyja pasłuhi pa stvareńni jakasnych prahram. U centry historyi — aplikacyja Viber, jakuju nazyvajuć «źniščalnikam Skype».
Nasamreč Viber prydumali izrailskija biznesoŭcy, jakija da Biełarusi majuć nievialikaje dačynieńnie. Zatoje stvarajecca prahrama ŭ Minsku, dzie znachodzicca ofis kampanii, i filijał u Breście. Tut pracujuć, kali vieryć Bloomberg, «vymuštravanyja ŭ matematycy, fizicy i inšym navukach maładyja entuzijasty».
«U Viber kala 40 supracoŭnikaŭ u Biełarusi, i ŭsie jany miljardery ŭžo ciapier — kali ličyć u miascovych rublach», — piša vydańnie.
Viber, raspracavany jašče 3 hady tamu, dazvalaje kamunikavać z dapamohaj hałasavoj suviazi, tekstavych paviedamleńniaŭ i abmienu malunkami całkam biaspłatna. Patrebny tolki mabilny internet pad rukoj, pryčym nie abaviazkova Wi-Fi.
Ciapier u aplikacyi bolej za 100 miljonaŭ karystalnikaŭ. Hety fakt dazvalaje stvaralnikam prahramy nazyvać jaje «zabojcam Skype»: maŭlaŭ, prahrama zručniejšaja za stary servis, pryznačany najpierš dla nastolnych kampjutaraŭ. Akramia hetaha servis razdražniaje mabilnych apierataraŭ, bo karystalniki zamiest telefanavańnia praz zvykły hałasavy siervis vykarystoŭvajuć IP-telefaniju.
Zrešty, sami stvaralniki Viber pakul nie majuć nijakaha prybytku ad prahramy. Adnak jany nie chavajuć: vialikija hrošy atrymlivajecca ekanomić dziakujučy najmańniu biełaruskich prahramistaŭ. I inviestycyjam ananimnaha zołatazdabytčyka.
«U Tel-Avivie talenavity prahramist abyšoŭsia b u 130 000 zialonych u hod», — kaža adzin sa stvaralnikaŭ prahramy Tałman Marka. Hetaj samaj sumy dastatkova, kab zapłacić adrazu siami biełaruskim śpiecyjalistam.Zrešty, mienavita heta jany i robiać.
I nie tolki jany. Adznačajecca, što pasłuhami biełaruskich prahramistaŭ-aŭtsorsieraŭ karystajucca sotni zachodnich kampanij. Siarod ich «Koka-koła», Google, Siemens, Mercedes-Benz, Samsung, Bosch i inšyja bujnyja kampanii.
Ciapier kamanda biełaruskich raspracoŭščykaŭ darablaje viersii dla pakul jašče nie achoplenych prahramaj mabilnych apieracyjnych sistem. Da ŭžo padtrymlivajemych iOS, Android, BlackBerry chutka dadaducca S40, Symbian i Bada.
Ciapier čytajuć
Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova7
Kamientary