Ciapier jamu pahražaje da 10 hadoŭ pazbaŭleńnia voli.
Na staršaha inśpiektara Maskoŭskaha RUUS pačali kryminalnuju spravu za pieravyšeńnie słužbovych paŭnamoctvaŭ, spałučanaje z mučeńniem paciarpiełaha.
Spravaj zajmajecca Ślečy kamitet. Zdareńnie adbyłosia sioleta 10 traŭnia.
Staršy lejtenant ŭ pamiaškańni adździeła milicyi žorstka źbiŭ administracyjna zatrymanaha 44-hadovaha mužčynu, dastaŭlenaha dla składańnia pratakołu. Paciarpieły atrymaŭ ciažkija cialesnyja paškodžańni.
Ab pryčynnach incydentu pakul ničoha nie paviedamlajecca. Adnak viadoma, što mužčyna napisaŭ skarhu, i try miesiacy jaje praviarali i prakuratura, i Hałoŭnaje ŭpraŭleńnie ŭłasnaj biaśpieki MUS.
Apošnim časam staličnyja milicyjanty traplajuć u vielmi skandalnyja historyi. Nahadajem, niadaŭna nabyła šyroki rozhałas historyja ab praparščyku minskaj milicyi, jaki na praciahu 9 hadoŭ hvałtavaŭ małaletniuju padčarku.
Kamientary