U Biełarusi zamiest zvykłych videlcaŭ buduć vypuskać videlcy-kluški + fota
Prydumaŭ ich chłopiec z Homiela, a vypuskać pačnuć da ČS pa chakiei.
Uzor novaha prybora stvaryli ŭ Homielskim prafiesijna-techničnym kaledžy mašynabudavańnia. Hibryd naža, videlca i kluški prydumaŭ vynachodnik Stanisłaŭ Hałkoŭski, vyrabili jaho ź nieržaviejki. Pa svaich pamierach pieršaja madel videlca-kluški krychu mienšaja za standartnyja stałovyja prybory. Heta faktyčna minijaciurnaja płastykavaja chakiejnaja kluška z tryma zubcami na kancy i režučaj nižniaj pavierchniaj. Za košt taho, što ručka raźmiaščajecca źvierchu, cisk režučaj pavierchni atrymlivajecca davoli vysokim.
Uzor vyrabili studenty kaledža pad kiraŭnictvam piedahohaŭ. «Taki stałovy prybor moža stać vizitoŭkaj suśvietnaha čempijanatu: ubačyŭ niechta videlec-klušku i adrazu ŭspomniŭ Biełaruś», — raskazaŭ ahienctvu BiełTA dyrektar kaledža Hienadź Kazłoŭ.
Jak tłumačyć aŭtar vynachodstva, dla masavaha prodažu videlec-kluška zadumany jak płastykavy i adnarazovy. Mietaličnaja madel — chutčej suvienirnaja pradukcyja. «Na mierapryjemstvach my nie zaŭsiody jamo siedziačy za stolikam, — kaža Staś Hałkoŭski. — A kali ŭ adnoj ruce prychodzicca trymać płastykavuju talerku — užo nie da naža, a adrezać adnarazovym videlcam, naprykład, kavałačak file nialohka». Novy stałovy prybor vyrašaje hetuju prablemu.
Aŭtar užo prydumaŭ i nazvu svajmu vynachodstvu — «Čykien-po». Chicken paw — u pierakładzie z anhielskaha aznačaje «kurynaja łapka». Videlec-kluška-nož sapraŭdy čymści nahadvaje kurynuju łapku, jakaja ŭ XX stahodździ stała adnym ź simvałaŭ pacyfizmu. Sport ža spradvieku maje pacyfisckuju nakiravanaść, jašče ŭ Staražytnaj Hrecyi na čas Alimpijskich hulniaŭ spynialisia ŭsie vojny.
Na ručcy «Čykien-po» chłopiec choča źmiaścić simvoliku čempijanatu, napisać Minsk-2014.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu47
Kamientary