Dackaja animacyja dla darosłych
Dackaja animacyja dla darosłych na temu pornabiznesa «Pryncesa» pradstaŭlena ŭ miežach mini-festu radykalnaha kino, što adbyvajecca ŭ mienskim «Domie kino».
Pryncesa (Princess)
Danija – Niamieččyna, 2006, kalarovy, 90 chv.
Režyser: Anders Morhientaler
Žanr: Dramatyčnaja animacyja dla darosłych
Adznaka: 6,5 (z 10)
Były śviatar Aŭhust paśla śmierci rodnaj siastry-jurlivicy zastajecca ź piacihadovaj plamieńnicaj na rukach. Aŭhust vyrašaje źniščyć usio, što mahło by nahadać dziaŭčyncy pra minułaje jejnaje maci – pornazorcy pa mianušcy “Pryncesa”. A zaadno j adpomścić ludziam, jakija ekspluatavali siastru. Pakrysie da kryvavaje pomsty dałučajecca j dziaŭčynka…
Danija – adna z najpieršych krainaŭ, jakaja lehalizavała parnahrafiju. Siońnia małady režyser, Anders Marhientaler, stvaralnik paŭnočnych komiksaŭ – vystupiŭ suprać hetaha biznesu. “Ja nia novy purytanin, – skazaŭ Marhientaler, – ale ja stamiŭsia ad liberalnaje abyjakavaści”.
Karcina palemizuje ź “Letucieńnikami” Bertalučy i inšymi pładami “seksualnaje revalucyi”. Vybuchi j rasstreły z kryžom u rukoch symbalizujuć nadychod fundamentaliskaje žorstkaści. A zachapleńnie japonskim anime całkam adpaviadaje radykalnamu siužetu.
Ale “dackaje anime” – paŭnočna-melanchaličnaje. Sa stomlenym sumam piacihadovaje dziaŭčo łomam zabivaje pornadziałka; paśla načnych medytacyj były śviatar łamaje ruki – i vybivaje voraham zuby.
Abaviazkovy dla eŭrapiejskaha kino sacyjalny čyńnik zadajecca ihravymi kadrami pad dakument: voś chatniaja kamera fiksuje naradžeńnie pieršaha pornafilmu z Pryncesaj; heta vokładki časopisaŭ dla darosłych; a tut sudova-medyčnyja fatahrafii. Ale z dapamohaju kvazidakumentalnych scenak režyser nia prosta dakazvaje haniebnaść “pornafikacyi”.
Ciapier luboje chatniaje videa padsudna animacyjnym hierojam; a luby dakument moža być źniščany prydumanaj malavankaj.
Film pradstaŭleny ŭ mini-feście radykalnaha kino, što adbyvajecca ŭ mienskim “Domie kino” (9-25 krasavika).
Stužka "Pryncesa" demanstrujecca ź 9 pa 18 krasavika.
Taksama ŭ miežach festu planujecca karcina “Flandryja” Bruna Dziumona.
Fota z sajtu Kino.br.by
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary