Chvalu parušeńniaŭ pravoŭ čałavieka ŭ dačynieńni da prychilnikaŭ apazicyi i žurnalistaŭ u Biełarusi «Mižnarodnaja amnistyja» rasceńvaje jak «niazhrabnuju sprobu zadušyć apazicyjnyja hałasy» napiaredadni parłamienckich vybaraŭ.
U zajavie hetaj pravaabarončaj arhanizacyi pieraličany apošnija vypadki zatrymańnia i sudovaha pieraśledu maładziožnych aktyvistaŭ hramadzianskaj kampanii «Havary praŭdu!». «Mižnarodnaja amnistyja» taksama ŭkazvaje na zatrymańnie hrupy žurnalistaŭ, jakija 18 vieraśnia aśviatlali pikiet, arhanizavany ŭ centry Minska kampanijaj «Havary praŭdu!».
Pravaabaroncy zaklikajuć biełaruskija ŭłady «staranna i niepraduziata» pravieryć infarmacyju ab tym, što žurnalistaŭ zatrymlivali z «praźmiernym užyvańniem siły», i pryciahnuć vinavatych da adkaznaści.
«Vykarystańnie administracyjnych zatrymańniaŭ źjaŭlajecca jašče adnoj sprobaj prymusić zamoŭknuć apazicyju ŭ Biełarusi.Mahčymaść ažyćciaŭlać svajo prava na svabodu vykazvańnia mierkavańniaŭ i svabodu schodaŭ maje važnaje značeńnie dla stvareńnia ŭmoŭ, u jakich ludzi mohuć udzielničać u vybarčym pracesie, nie bajučysia zapałochvańniaŭ ci represij», — zajaviŭ namieśnik dyrektara prahram «Mižnarodnaj amnistyi» dla Jeŭropy i Centralnaj Azii David
U zajavie taksama adznačajecca, što šerah kandydataŭ u deputaty parłamienta źnialisia z vybaraŭ, rastłumačyŭšy heta adsutnaściu pazityŭnych źmianieńniaŭ u vybarčym pracesie ŭ Biełarusi.
«Z prezidenckich vybaraŭ 2010 hoda „Mižnarodnaja amnistyja“ naziraje biesprecedentnaje paharšeńnie situacyi z pravami čałavieka ŭ Biełarusi. Ułady biezupynna viaduć kampaniju pa pieraśledzie i zapałochvańni pravaabaroncaŭ, apazicyi, hramadskich aktyvistaŭ pa ŭsioj krainie», — padkreślivajecca ŭ zajavie arhanizacyi.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary