U Biełarusi nie pavinny adychodzić ad raniejšaj stratehii dziejańniaŭ na valutnym rynku. Ab hetym zajaviŭ Alaksandr Łukašenka 24 vieraśnia padčas rabočaj sustrečy sa staršynioj praŭleńnia Nacyjanalnaha banka Nadziejaj Jermakovaj.
«Jak my abiacali, tak i pavinna iści, kab nas nichto nie papraknuŭ.
Bo napiaredadni vybaraŭ usiakich razmovaŭ chapała. Chapaje i ciapier, — adznačyŭ Alaksandr Łukašenka. —
Vy razumiejecie, naša piataja kałona [tak Łukašenka nazyvaje ŭsich, chto jaho nie padtrymlivaje], pierš za ŭsio, praź ŚMI praciahvaje nahniatać stanovišča: maŭlaŭ, niešta tut pavinna adbycca. Ničoha nie pavinna adbycca. Prynamsi, my pavinny prytrymlivacca takoha kursu, jak abiacali narodu».
Łukašenku paviedamili ab situacyi ŭ bankaŭskaj sistemie, na valutnym i finansavym rynkach krainy. Nadzieja Jermakova paviedamiła, što ŭ vieraśni ŭzros popyt nasielnictva na najaŭnuju valutu. Ale, pa jaje acenkach, niahledziačy na heta, situacyja kantralavanaja.
«Valuty dastatkova dla taho, kab zadavolić isnujučy na iaje popyt. My ŭ pieršuju pałovu hoda skuplali valutu i na biržy, i ŭ nasielnictva», — zapeŭniła Nadzieja Jermakova.
Jana paćvierdziła, što napiaredadni parłamienckich vybaraŭ u ludziej časam sapraŭdy ŭźnikali roznyja niehatyŭnyja čakańni adnosna situacyi na valutnym rynku.
«Što tyčycca prodažu valuty na biržy, to niejkaj bojazi my nie bačym. Zołatavalutnyja reziervy ŭ nas zbałansavany, i na kaniec hoda my vyjdziem z dvuchmiesiačnym zapasam pa imparcie», — skazała Nadzieja Jermakova.
Što tyčycca inflacyi, to ŭ vieraśni jana nie pieravyšaje prahnoznych značeńniaŭ. Pa vynikach hoda čakajecca, što hety pakazčyk składziecca ŭ miežach 22%. Pry hetym staŭka refinansavańnia moža źnizicca da 25–26%.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary