Abodva kiroŭcy Lamborghini i «Žyhuloŭ», što sutyknulisia ŭ Baranavičach, byli na čužych mašynach
«Ja nie razumieju, čamu z hetaj avaryi takuju padzieju razdźmuli? Vuń pa vulicach mašyny našmat daražejšyja jeździać i pra ich čamuści nichto nie piša. A tut u internecie ź ničoha takaja šumicha ŭźniałasia. Tam ža ramontu dalaraŭ na 300», — aburaŭsia ŭ telefonnaj razmovie kiroŭca Lamborghini.
Pa słovach mužčyny, darahaja inšamarka, za rulom jakoj jon byŭ u momant avaryi, jamu nie naležyć.
«Mašyna staraja, 2008 hoda vypusku. Moj siabar kupiŭ jaje dla svajoj žonki. U mašynie byli niepaładki, tamu jon uziaŭ jaje za biascenak — mienš za 100 tysiač dołaraŭ, a nie 200–300 tysiač jeŭra, jak pisali ŭ internecie.Ja sam žyvu ŭ Minsku, u mianie tam svoj biznes, a ŭ Baranavičach žyvuć baćki. Lamborghini pryhnali ŭ Biełaruś u piatnicu, 19 kastryčnika. Ja paprasiŭ u adnaho prakacicca. Kali b viedaŭ, što takoje zdarycca i takaja šumicha
Kiroŭca «VAZ», jak vyśvietliłasia, taksama jechaŭ nie na svaim aŭtamabili. Jon pazyčyŭ «Žyhuli» u cieścia i pajechaŭ u horad zabirać kahości ź viasiella. Pavodle jaho słoŭ, jon nie zaŭvažyŭ, jak pierad im apynułasia inšamarka.
«Adrazu paśla sutyknieńnia było strašnavata, bo mašyna darahaja. Ale potym supakoiŭsia.Hałoŭnaje, što sami nie paciarpieli, a žaleza pačynim», — razvažaŭ kiroŭca «Žyhuloŭ».
«VAZ» byŭ zastrachavany, tak što ŭsie vydatki na ramont darahoj inšamarki pakryje strachavaja kampanija. Da taho ž, małady čałaviek, jaki siadzieŭ za rulom supierkara, paprasiŭ nie pryciahvać kiroŭcu «VAZa» da administracyjnaj adkaznaści.
Pakul ža, jak raspavioŭ kiroŭca Lamborghini, čynić aŭtamabil siabra jon budzie za svaje hrošy. Mašynu ŭžo advieźli ŭ Minsk.
Nahadajem, avaryja, u jakoj, jak u drennym aniekdocie, sutyknulisia italjanski supierkar Lamborghini i tvor rasijskaha aŭtaprama zdaryłasia viečaram 20 kastryčnika na puciepravodzie pa vuł. Telmana. Pavodle infarmacyi DAI, kiroŭca «Žyhuloŭ, pierajazdžajučy ŭ susiedni šerah, nie zaŭvažyŭ inšamarku i ŭrezaŭsia ŭ jaje. Papiaredniaja pryčyna avaryi — niaŭvažlivaść kiroŭcy «Žyhuloŭ».
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary