Ci źjavicca biełaruskaja Sehalen Ruajal?

Kab u ciapierašniaj Biełarusi, jak zaraz voś u Francyi, žančyna realna pretendavała na prezydenctva — heta padajecca fantastykaj. Reč nia ŭ tym, što dziejny kiraŭnik apryjory nie śpiašajecca kamu-niebudź sastupać miesca. Havorka idzie ŭvohule pra palityčnyja noravy dy hramadzkuju mentalnaść.

Pavialičyć

Z adnaho boku, u nas, jak viadoma, demanstrujuć dziaržaŭny kłopat pra "ženski vapros". Navat raznaradki jość, kab zabiaśpiečvałasia peŭnaja dola kabietaŭ u orhanach pradstaŭničaj ułady. Hetakaje svojeasablivaje biełaruskaje "šerše la fam".

Ź inšaha boku, samo hetaje administracyjnaje ščyravańnie pakidaje ŭražańnie, što žančyn padśviadoma ličać niepaŭnavartasnymi istotami. Na Zachadzie feministki, peŭna, uźniali b hvałt, paličyŭšy taki prostaliniejny, imitacyjny kłopat prynižeńniem. Tam pradstaŭnicy słaboj pałaviny prabivajucca ŭ palityku sami. Zatoje vyhladajuć nie elementami butaforyi, a dziejnymi asobami.

U nas ža varta było, naprykład, vyjavić peŭnuju palityčnuju samastojnaść deputatcy Natalli Mašeravaj — i adrazu apynułasia ŭ apale. Uvohule ž na jaje taksama pracavała imia mužčyny — jejnaha baćki.

Sakret papularnaści — reč, kaniešnie, tonkaja. Adzin z palityčnych supiernikaŭ francuskaj kandydatki Sehalen Ruajal — ultrapravy Lo Pen źjedliva zaznačyŭ, što taja, "karystajučysia adnosna vyhadnaj fizyčnaj formaj, demanstruje ŭbory i doryć uśmieški, vierzučy pry hetym łuchtu". Što ž, možna i skarystacca, zajmajučy pavodle versii časopisa FHM šostaje miesca ŭ sotni samych seksualnych žančynaŭ śvietu :)

Darečy, Sehalen Ruajal — maci čatyroch dziaciej. Kładučy ruku na serca, vy možacie ŭjavić sabie šmatdzietnuju maci ŭ finale zmahańnia za biełaruskaje prezydenctva?

Zrešty, tam i ŭ apazycyi žyviecca trochi inakš :) Ab jaje nie vycirajuć nohi, a ładnaja kvota eternaha času harantavanaja zakonam. U nas džentlmeny ź dziaržaŭnaje prapahandy chutka pakazali b hipatetyčnaj apazycyjnaj lidercy, što takoje hiendernaja roŭnaść...

Uvohule ž nia varta ŭsio viešać na režym. Hiendernyja stereatypy, drymučyja patryjarchalnyja noravy (ci nie źjaŭlajecca ichnim adlustravańniem i psychalahičny fenomen "baćki"?), na žal, kvitniejuć siarod ajčynnaha paspalitaha ludu. A heta ž asnoŭny elektarat.

Karaciej, daloka nam, musić, da biełaruskaj Ruajal.

P.S. Balzam dla błohieraŭ: jak adznačajuć francuskija kamentatary, Sehalen Ruajal najbolej tvorča vykarystoŭvaje ŭ palityčnych metach Sieciva. Kažuć, što jana "pieraniała jahony syntaksys", zrazumieŭšy, što "P2P, viki-asiarodździe i hipertekst pieraŭtvaryli našu systemu myśleńnia, našyja kahnityŭnyja navyki, a značycca, vidaźmianilisia i stasunki hramadzianaŭ z palitykaj".

P.P.S. A Milinkievič, musić, za Sarkazi, bo toj dasyłaŭ jamu listy padtrymki :)

• 0
• 0
• 0
• 0
• 0
• 0
• 0
• 0