U ZŠA dva štaty lehalizavali marychuanu, jašče try — adnapołyja šluby
Štaty Vašynhton i Kałarada prahałasavali na refierendumach za lehalizacyju marychuany. Dahetul marychuana była lehalnaj tolki ŭ libieralnym štacie Kalifornija, ale i tam jaje vykarystańnie dazvolena vyklučna ŭ miedycynskich metach.
U štatach Vašynhton i Kałarada marychuana stanie całkam lehalnaj, jak ałkahol.U Masačusetsy prahałasavali za vykarystańnie marychuany ŭ miedycynskich metach.
Taksama na refierendumach žychary štataŭ Men, Meryłend i Vašynhton prahałasavali za lehalizacyju adnapołych šlubaŭ. Raniej jany byli dazvoleny ŭ šaści amierykanskich štatach ź piacidziesiaci, adnak va ŭsich vypadkach heta rašeńnie prymałasia zakanadaŭcami, a nie ŭsienarodnym hałasavańniem. Za prapanovu va ŭsich hetych troch štatach prahałasavali 51-55% vybarcaŭ, jana pieramahła minimalnaj bolšaściu. Usie hetyja štaty tradycyjna hałasujuć za Demakratyčnuju partyju, u ich pieramoh Abama.
Ahułam staŭleńnie amierykancaŭ da adnapołych šlubaŭ źmianiłasia za apošnija hady. Ciapier adnosnaja bolšaść vystupaje za ich uzakońvańnie, pryznajuć, što ciaha da asobaŭ svajho połu ŭ niekatorych ludziej zakładziena ad pryrody, i takija ludzi pavinny mieć adnolkavyja pravy.
Taksama ŭ aŭtorak u niekatorych štatach ZŠA hałasavali pa pytańni śmiarotnaha pakarańnia. Śmiarotnaje pakarańnie na siońnia admienienaje ŭ 17 štatach ź piacidziesiaci,ale tolki ŭ Arehonie heta adbyłosia ŭ vyniku hałasavańnia.
ZŠA — fiederatyŭnaja kraina, i bolšaść žyćciovych pytańniaŭ vyrašajucca na ŭzroŭni štataŭ, a nie na ahulnanacyjanalnym.
-
Pa bazie Bundeśviera ŭ Iardanii nanieśli rakietny ŭdar, paciarpiełych niama
-
Litva nie była hatovaja da adkryćcia tajvańskaha pradstaŭnictva, jano stała pamyłkaj — śpikier Siejma
-
Piać iranskich futbalistak atrymali aŭstralijskija vizy — u Iranie ich nazvali «zdradnicami» za admovu śpiavać himn pierad matčam
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy1
Kamientary