Kirmaš startapaŭ na Minskim inviestforumie: top-15 biznes-idej
Patencyjnyja miljaniery pradstavili inviestaram svaje prajekty: leki dla sabak, prahramy dla smatfonaŭ i rybnyja sneki.
Dzień startapaŭ – adno ź mierapryjemstvaŭ Biełaruskaha inviestycyjnaha forumu.
Padčas jaho 15 maładych biełaruskich biznesoŭcaŭ pradstavili aŭdytoryi svaje prajekty i pasprabavali znajści inviestaraŭ.Dziaržava, u svaju čarhu, paabiacała kankursantam hranty pamieram $30 tysiač.
Ctartap – heta niadaŭna stvoranaja kampanija, jakaja buduje svoj biźnies na asnovie inavacyjnych technałohij, maje niedachop resursaŭ i šukaje inviestara, jakomu zazvyčaj hatovaja prapanavać 25-50% svaich akcyj.
Takim čynam, 15 pierśpiektyŭnych idej biełaruskich vynachodnikaŭ.
1. iMeterege – vymiaralnik adlehłaściaŭ z dapamohaj mabilnika
Pavieł Šylonak i Vital Nikulenka ŭžo stvaryli modul, jaki dazvolić vymiarać adlehłaść da abjekta praz smartfon.
Dla hetaha da telefona treba padłučyć ultrahukavy dalamier z łaziernaj padśvietkaj. Paśla abjekt fatahrafujecca, i na jaho vyjavie źjaŭlajucca vyniki vymiareńniaŭ.
Kamu spatrebicca prahrama? Stvaralniki raźličvajuć, što jaje buduć vykarystoŭvać ryełtary i budaŭniki. Dakładnaść vymiareńnia składzie 5-6 milimietraŭ.
2. Małachija – apteka z deficytnymi lekami
Dva pakaleńni (baćka i syn) Uładzimiraŭ Małachavych prapanujuć stvaryć navukova-vytvorčuju apteku "Małachija”, jakaja budzie śpiecyjalizavacca na drobnasieryjnym vypusku darahich i deficytnych preparataŭ, u pryvatnaści, lekaŭ ad raka.
Pradpryjemstva budzie adpaviadać standartu GMP, jaki dazvolić ekspartavać hetuju pasłuhu zamiežnym farmaceŭtyčnym vytvorcam.Patrebnyja inviestycyi – $4,6 miljona.
3. SpryBoard - ekrany z rekłamaj u kramach
Ideja Paŭła Mazurkieviča zaklučajecca ŭ stvareńni rekłamna-infarmacyjnych elektronnych ceńnikaŭ.
Jon prapanuje raźmiaščać rekłamnuju infarmacyju na ekranach u hipiermarkiecie. Zarablać miarkujecca na kantekstavaj rekłamie vytvorcaŭ.
$40 tysiač u prajekt užo ŭkładziena. Ekrany stajać u kramach “Oma” i “Jubilejny-92”. Ale patrebna jašče $240 tysiač.
4. Say-n-ride – pošuk spadarožnika na darozie
Z dapamohaj hetaj prahramy aŭtamabilisty zmohuć znajści spadarožnikaŭ.
Patencyjny pasažyr pakidaje na śpiecyjalnym sierviery płatnuju hałasavuju abjavu, dzie jaje moža prasłuchać kiroŭca. Kali im jechać u adnym kirunku, čamu b nie rušyć razam i nie padzialić vydatki na paliva?
Pracavać u Biełarusi stvaralniki pakul nie źbirajucca. A voś dla taho, kab pačać pracu na rynku Čykaha, Alaksieju Ivančykavu i Jahoru Viecieru patrebna $3 miljony. Praz paru hadoŭ jany raźličvajuć zarabić $180 miljonaŭ.
5. Maesens – interaktyŭnaja dabračynnaść
Sajt Majesens užo paśpiachova pracuje ŭ internecie i maje bolš 35 tysiač karystalnikaŭ. Ciapier aŭtarka idei Alesia Abramienka choča raskrucicca na amierykanskim rynku pad nazvaj Goodwillion. Nahadajem, što
kožny achvotny moža vystavić na aŭkcyjon sustreču z saboj. 80% atrymanych hrošaj iduć na dabračynnaść, a rešta – na padtrymańnie prajekta.Inviestycyi – a heta paradku $300 tysiač – patrebnyja na maštabnuju rekłamu ŭ ZŠA i Rasii.
6. SellerHit – vyličalnik aptymalnaj cany
Pradprymalnikam, jakija pradajuć tavary i pasłuhi na handlovych placoŭkach u internecie, pieradusim na siervisie Amazon, Raman Buhajoŭ prapanuje svaju dapamohu.
Jahony servis aŭtamatyčna vyličyć aptymalnuju canu ŭ zaležnaści ad dziejańniaŭ kankurentaŭ.U nastupnym miesiacy servis zapracuje ŭ Hiermanii. Zasnavalnikam patrebnyja nie hrošy, a partniory ŭ ZŠA i Kitai.
7. Maja rybka – sneki z ajčynnaj ryby
Biełaruskim spažyŭcam nie chapaje snekaŭ z ajčynnaj ryby,pierakananyja Eduard Bondar i Uładzimir Masiejkoŭ. Na rynku chapaje prapanovy ad zamiežnych vytvorcaŭ, a voś biełaruskaja ryba nie vykarystoŭvajecca. Kab zapuścić vytvorčaść zakuski da piva, im patrebna $1,5 miljona inviestycyj. U pierśpiektyvie zapłanavanyja vychad na rasijski i ŭkrainski rynki.
8. Fiermierskaja haspadarka – hadoŭla vjetnamskich śvińniaŭ
Dźmitryj Radziuk prapanuje pabudavać fiermu dla hadoŭli vjetnamskich śvińniaŭ mahutnaściu 1400 hałovaŭ.Ich pieravaha — u dalikatesnym miasie z panižanym utrymańniem chalestarynu. Dla arhanizacyi vytvorčaści Dźmitryj Radziuk płanuje atrymać $210 tysiač. Pradajučy svaju ekałahična čystuju pradukcyju, jon miarkuje akupić ich za 3,5 hoda.
9. Preparat dla lačeńnia raku
Navukoviec Dźmitryj Rudakoŭ pierakanany, što jahonaja
ideja vypusku preparatu dla bor-niejtronazachopnaj terapii raku ŭratuje tysiačy chvorych.Pakul što atrymaje rečyva prachodzić vyprabavańni na žyviołach.
10. Vieterynarnyja preparaty dla sabak
Farmaceŭtykaj zajmajecca i Uładzimir Prakulevič.
Jon prapanuje preparat “FaniFieron” dla prafiłaktyki i lekavańnia raznastajnych zachvorvańniaŭ u sabak – atytaŭ, dermatytaŭ, pnieŭmanii…U asnovie preparatu — śpiecyjalny anałah interfieronu. U pierśpiektyvie možna raspracoŭvać i leki dla katoŭ. Dla startu prajekta patrebna $3 miljony inviestycyj.
Što jašče?
11. Fłama (aŭtar prajekta – Dźmitryj Hubar). Vytvorčaść hazahienieratarnaha abstalavańnia. Patrebna $720 tysiač.
12. TurbaŚfiera (Kiryła Laŭkoŭ). Pierapracoŭka ciepłavych adkidaŭ u enierhiju ŭ mikraturbinie. Patrebna $3 miljony.
13. Pierapracoŭka šyn (Alaksandr Palejeŭ). Budaŭnictva zavoda pa pierapracoŭcy aŭtamabilnych šyn u termaełastapłasty. Patrebna kala $1,6 miljona.
14. Kletkavyja technałohii (Hanna Bucienka). Vytvorčaść kletkavych praduktaŭ dla lačeńnia defiektaŭ skury. Patrebna kala $600 tysiač.
15. Płazmamiet (Siarhiej Bahajeŭ). Stvareńnie vytvorča-kansałtynhavaj kampanii ŭ halinie fizika-chimičnych mietadaŭ apracoŭki mietału. Patrebna kala $205 tysiač.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary