«Biełarusbank» pryciahnuŭ mižnarodny syndykavany kredyt, treci pa liku. Srodki nakirujujuca na kredytavańnie realnaha sektaru ekanomiki, patłumačyli ŭ banku.
Padpisańnie kredytnaha pahadnieńnia adbyłasia na dniach u Miunchienie (Niamieččyna). Usiaho ŭ syndykavanym kredycie paŭdzielničali 12 viadučych finansava‑kredytnych instytutaŭ z 9 krainaŭ śvietu
Viadučym arhanizataram dadzienaha pahadnieńnia vystupiŭ Bayerische LB (Niamieččyna). Pa vynikach syndykacyi kančatkovaja suma kredytu amal udvaja pieravysiła pieršapačatkova zaplanavany abjom ździełki. Heta stała mahčyma dziakujučy «klubnaj» technalohii pryciahnieńnia kredytu — da ŭdziełu byli zaprošanyja tolki najbolš vierajemnyja partnery banku ŭ sfery mižnarodnaha syndykavańnia.
Pryciahnutyja srodki nakirujujuca na kredytavańnie realnaha sektaru ekanomiki, patłumačyli ŭ banku.
Heta ŭžo treci syndykavany kredyt, atrymany «Biełarusbankam». Letaś bank pryciahnuŭ dva syndykavanyja kredyty i try naŭprostavyja mižbankaŭskija kredyty, ahulnym abjomam kala 125 młn. dalaraŭ.
U 2007 h. «Biełarusbank» planuje ździeśnić debiutny vypusk i raźmiaščeńnie siarod zamiežnych nvestaraŭ pazykavych abaviazalnictvaŭ ŭ vyhladzie kaštoŭnych papieraŭ na sumu nie mienš 100 młn. dalaraŭ. Akramia hetaha bank maje namier u biahučym hodzie naroščvać abjomy źviazanych, naŭprostavych i syndykavanych kredytaŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ149
Kamientary