«Nica abo śmierć» — hety lozunh staŭ papularny ŭ Polščy napiaredadni Bruselskaha samitu Eŭraźviazu.
Palaki zajavili, što nie pahodziacca na źmienu systemy hałasavańnia ŭ Eŭraźviazie, uchvalenuju try hady tamu ŭ Nicy. Pavodle hetaj systemy, Polšča, jak i Hišpanija, mieła b u Eŭraparlamencie 27 hałasoŭ, a, prykładam, Niamieččyna — 29. Berlin kaža, što heta niespraviadliva: u Hišpanii i Polščy žyvuć razam 80 młn čałaviek, i krainy majuć razam 54 hałasy, a ŭ Niamieččynie — 82 młn, a hałasoŭ usiaho 29. Niamieččyna i Francyja, podpisy jakich stajać pad Nickim traktatam, chočuć taksama, kab rašeńni ŭ Radzie prymalisia, kali za ich prahałasujuć krainy, dzie žyvie bolš za 60% nasielnikaŭ Źviazu. Heta dazvoliła b Berlinu i Paryžu pry dapamozie Rymu i Londanu pravodzić lubyja karysnyja dla siabie rašeńni.
Z pryčyny roźnicy ŭ pohladach prajekt novaj kanstytucyi EZ, u jakim praduhledžanaja i novaja systema hałasavańnia, nia byŭ uchvaleny ŭ Bruseli. Eŭrapalityki śćviardžali, što tut niama ničoha strašnaha. Adnak na tydni šeść samych zamožnych krainaŭ EZ zajavili, što chočuć abmiežavać svaje ŭnioski ŭ ahulnaeŭrapiejski biudžet. Heta ŭdar pa novych siabrach EZ, pieradusim pa Polščy, jakaja da 2013 h. miełasia atrymać z eŭrabiudžetu 100 młrd eŭra datacyj. Naziralniki kažuć, što heta pomsta mienavita za pazycyju Varšavy.
Ale Polšča nie źbirajecca źmianiać svaju pazycyju ŭ spravie systemy hałasavańnia. «My mieli racyju, kali zmahalisia za niezaležnaść, zmahalisia z kamunizmam. Majem jaje i ciapier», — skazaŭ prezydent Kvaśnieŭski. Na pryniaćcie novaj Kanstytucyi Eŭropa jašče maje čas. Ciapierašni Nicki traktat budzie dziejničać da kanca 2008 h., i pašyreńnie ŭ nastupnym hodzie adbudziecca na padstavie mienavita hetaha dakumentu.
Alaksiej Dzikavicki, Varšava
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary