Možna paradavacca za chłopcaŭ z «J_Mors», što ichnaja kampazycyja zaniała pieršaje miesca pa vynikach tydnia ŭ nacyjanalnym hit-paradzie «Na skryžavańniach Eŭropy» (23.01), ale sumna ad taho, što heta adzinaja biełaruskamoŭnaja kampazycyja z 22-ch.
Na peryferyi tyja ž prablemy. U Słucku prajšoŭ kancert Pałacu kultury «Navahodni serpancin». Nivodnaj biełaruskaj pieśni. Raniej choć uklučali adnu biełaruskamoŭnuju kampazycyju. Niaŭžo ciapier ničoha niama?
Naadvarot, dastatkova pasłuchać radyjo ci prosta prajści pa miascovych muzyčnych kramkach, kab znajści bolš za sto adzinak takoj pradukcyi ad klasyki da repu.
Słucak — horad ź vialikaj histaryčnaj spadčynaj, i chaciełasia b, kab hetaja biełaruskaść nia źnikła, kab jana ŭsio ž taki znachodziła miesca na słuckaj scenie. U Biełarusi ž žyviom, panovie, navošta ž narod pakidać biez ułasnych piesień? Dyj Pałac kultury — ustanova, jakaja pavinna źjaŭlacca śvietačam kultury. I kali ŭžo znajšłosia miesca dla błatnych piesień, moža, znojdziecca miesca i dla biełaruskich?
Razmaŭlajučy ź ludźmi, jakija majuć nievialikuju daśviedčanaść u biełaruskaj muzycy, časta davodziłasia čuć dumku, što patrebna pačynać mienavita z narodnaha, z karanioŭ. Mahčyma, u hetym sakret vialikaha pośpiechu «Pieśniaroŭ»? Šmat chto nabyŭ by zapisy narodnych polek, narodnych piesień z prypieŭkami ŭ sučasnaj apracoŭcy. Moža, užo i jość taki pradukt, ale jon nieviadomy šyrokamu kołu słuchačoŭ. Padkažycie, chto viedaje. A pakul što narod nabyvaje Vierku Siardziučku. Choć jašče nie svajo, ale zatoje ŭžo i nie rasiejskaje.
Siaržuk Kut, Słucak
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali11
Kamientary