50 радкоў рэдактара
Гаварылі пра вяртаньне сталінскіх часоў, а вярнуліся царскія. Палата-Дума ізабражае дэмакратыю. Народ веруе ў цара-бацьку. Апазыцыйныя палітыкі сядзяць у Шушанскіх або Лонжюмо. «Наша Ніва» выходзіць. Багдановічы-Хадановічы пішуць. Царскай міласьцю Трашчанок змагаецца з шляхецкім уплывам. І самадзяржаўе, і праваслаўе, і народнасьць — усё ў наяўнасьці. І адпаведная дыскусія западнарусаў зь беларусамі.
Хваля абурэньня
Найлепшы адказ «Нямецкай хвалі» дало, вядома, MTV. На жаль, гурток радыёаматараў парушыў падставовы прынцып нацыянальнага адзінства: адраджэньне мовы і нацыянальнай культуры стаіць па-за абмеркаваньнем. Выбухнула дыскусія. Рашэньне «Нямецкай хвалі» разбурыла адзінства незалежнага грамадзтва. Для мяне гэтага досыць, каб яно было перагледжанае. А вось як ставіць пытаньне Сяргей Харэўскі: грамадзтва вернецца да нармальнасьці, калі станецца пакаяньне за адрачэньне ад мовы. Калі ж усё сьпісваецца на «аб’ектыўнасьць» працэсаў, застаецца правапераемнасьць старых русіфікатарскіх традыцый. Бліскучы адказ зарасейшчыкам дае Віталь Сіліцкі. Для мяне ж важна было пачуць меркаваньне Васіля Сёмухі — культавага перакладчыка зь нямецкай.
У цяперашняй сытуацыі вінаватая ня столькі Нямеччына. Таму важна ўнікаць крайнасьцяў, антынямецкая рыторыка недарэчная. Важна аднаўляць і будаваць нямецка-беларускі давер. Нямеччына, без сумневу, будзе стратэгічным партнэрам Беларусі пасьля вяртаньня краіны ў мэйнстрым эўрапейскай гісторыі.
Галоўны аргумэнт, якім карыстаюцца прыхільнікі расейскай мовы «Нямецкай хвалі», — вынікі сацыялягічных апытаньняў НІСЭПД. Даўнейшых рэвалюцыянэраў называлі нявольнікамі ідэяў, цяперашнія — тожа мне дысыдэнты — рабы сацыялёгіі.
А беларусы — мы ж народ асаблівы. Мы яшчэ ня вызначыліся, не сфармаваліся да канца. У нас пытаюць: ты за што? А мы кажам: я і за тое, і за тое. Мы за саюз з Расеяй і ўваходжаньне ў Эўропу шасьцю губэрнямі. За беларускую мову і расейскую таксама. Эх, ня можна, шкада, галасаваць за некалькіх кандыдатаў адразу. І як ты да нас падыдзеш з сацыялягічным мярылам?
Драма Тозіка
Арышт дырэктара «Джэм-банку» агаліў канфлікт, які тлее ў Лукашэнкавым атачэньні. Зьявіліся публікацыі аб тым, што дырэктар «Джэм-банку» Аляксандар Татарынцаў «зьвязаны» з кіраўніком Адміністрацыі прэзыдэнта Віктарам Шэйманам. Між тым справу «Джэму» ўзбудзіў Камітэт фінансавых сьледзтваў Дзяржкантролю.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы64
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары