З-за снегападу ў Беларусі — складаныя дарожныя ўмовы, папяржджвае ўпраўленне ДАІ МУС.
Дзяржаўтаінспекцыя заклікае вадзіцеляў быць уважлівымі і асцярожнымі за рулём. Падчас моцных ападкаў неабходна рухацца з уключаным блізкім святлом фар, выбіраць бяспечную хуткасць і дыстанцыю, з асаблівай асцярожнасцю рухацца па мастах, эстакадах і ля пешаходных пераходаў, адмовіцца ад рэзкіх тармажэнняў і манеўраў, якія пры дрэнным надвор’і могуць прывесці да стварэння аварыйных сітуацый.
ДАІ просіць кіроўцаў выконваць правілы паркоўкі і не пакідаць аўтамабілі на краі праезнай часткі, каб не перашкаджаць нармальнаму руху транспарту і не перашкаджаць працы снегаўборачнай тэхнікі.
«Улічвайце, што пачышчаная і апрацаваная супрацьгалалёдным сродкам дарога не робіцца адразу бяспечнай, патрэбны час і пэўная інтэнсіўнасць руху транспартных сродкаў, каб сумесь пачала „працаваць“ і выконваць свае функцыі. Выбірайце бяспечную хуткасць!» — гаворыцца ў паведамленні рэспубліканскай Дзяржаўтаінспекцыі.
ДАІ заклікае кіроўцаў праяўляць асаблівую ўвагу пры з’яўленні на праезнай частцы пешаходаў.Цёплае верхняе адзенне робіць іх непаваротлівымі, шалікі і капюшоны абмяжоўваюць агляд, дрэнная бачнасць і слізкая дарога перашкаджаюць ідучым хутка адрэагаваць на ўзніклую небяспеку.
«Аднак і пешым грамадзянам варта быць больш уважлівымі. Пераходзьце дарогу толькі ва ўстаноўленых месцах.Нават на рэгуляваных пешаходных пераходах не пачынайце пераход, пакуль усе аўтамабілі не спыняцца. У цёмны час сутак абазначайце сябе святлоадбіўнымі элементамі. Веласіпедыстам і вадзіцелям мапедаў нагадваем, што згодна з ПДР падчас снегападу і галалёдзіцы рухацца на двухколавым транспарце забаронена!» — нагадвае ДАІ.
З мэтай забеспячэння бяспечных умоў руху ў выхадныя дні Дзяржаўтаінспекцыя будзе працаваць ва ўзмоцненым рэжыме.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары