Карэспандэнт азэрбайджанскай газэты Nota Bene Фарамаз Алахвердзіеў, які адбывае пакараньне ў турме, абвясьціў галадоўку ды зашыў сабе рот ніткамі
Паводле праваабаронцаў, Алахвердзіеў патрабуе сустрэчы з прадстаўнікамі пасольства Ізраілю, бо мае намер адмовіцца ад грамадзянства Азэрбайджану і ўзяць Ізраілю.
Журналіст быў асуджаны да двух з паловай гадоў пазбаўленьня волі ў студзені 2007 г. па абвінавачаньні ў паклёпе і зьнявазе гонару і годнасьці.
Пазоў быў пададзены міністрам унутраных спраў Рамілем Усубавым і кіраўніком дзяржкамітэту па працы з дыяспарай Назімам Ібрагімавым. Прычынай стаў артыкул Алахвердіева ў газэце Nota Bene. У артыкуле Усубаў і Ібрагімаў абвінавачваліся ў арганізацыі публікацый у прэсе, што кампрмэтавалі кіраўніка выканаўчага органу прэзыдэнта Раміза Мехціева.
Усяго ў Азэрбайджане адбывае тэрмін сем журналістаў.
***
Нагадаем, што дзесяць гадоў таму, у 1997 г., на мітынгу ў абарону свабоды слова беларускі паэт Славамір Адамовіч зашыў сабе рот у знак пратэсту супраць палітыкі ўладаў у сфэры мэдыяў.
Каментары