Лукашэнка патрабуе ад Козіка абараняць правы на прыватных прадпрыемствах
Развіццё прафсаюзнага руху ў Беларусі было абмеркавана 25 лютага на сустрэчы Аляксандра Лукашэнкі са старшынёй ФПБ Леанідам Козікам.
Лукашэнка адзначыў, што да яго часам даходзяць вельмі супярэчлівыя ацэнкі, і пацікавіўся тым, што адбываецца ў прафсаюзным руху, ці не губляюць прафсаюзы свае пазіцыі ў працоўных калектывах.
Аляксандр Лукашэнка таксама акцэнтаваў увагу на неабходнасці абароны правоў працоўных прыватных прадпрыемстваў. «Бо там нашы людзі, яны маюць патрэбу ў абароне. І мы дамаўляліся, што вы возьмеце пад апеку працоўныя калектывы прыватнікаў, і калі там парушаюцца правы чалавека, работніка, вы абавязкова будзеце ўмешвацца», — сказаў ён.
Каментары