На дапамогу 19 тысячам іншагародніх студэнтаў, якім не хапае месцаў у менскіх інтэрнатах, прыйшло не Міністэрства адукацыі альбо Міністэрства архітэктуры і будаўніцтва, а Міністэрства юстыцыі.
 |
Пасьля выяўленьня шэрагу парушэньняў у дзейнасьці рыэлтарскіх арганізацыяў і пакараньня вінаватых, Міністэрства юстыцыі прапанавала рыэлтарам даваць зьніжкі студэнтам на паслугі па пошуку і найму жытла.
Міністэрствы Беларусі сабаку зьелі на пошуку арыгінальных выйсьцяў са складаных сытуацыяў. Гэтым разам на дапамогу 19 тысячам іншагародніх студэнтаў, якім не хапае месцаў у менскіх інтэрнатах, прыйшло не Міністэрства адукацыі альбо Міністэрства архітэктуры і будаўніцтва, а Міністэрства юстыцыі.
Днямі гэты дзяржаўны орган праверыў дзейнасьць рыэлтарскіх арганізацыяў па падбору і найму жылых памяшканьняў студэнтам.
Як паведамілі БЕЛТА ў Мінюсце, у выніку выяўлены парушэньні пры аказаньні паслугаў па падбору аб’ектаў для здачы ў арэнду. Вінаватыя асобы прыцягнутыя да адказнасьці.
«Міністэрства прапанавала рыэлтарскім арганізацыям разгледзіць пытаньне аб зьніжках студэнтам пры аплаце паслугаў па падбору і найму жыльля,» — адзначылі ў Мінюсьце.
Заўвагі ж да рыэлтарскіх кампаніяў тычыліся збольшага пытаньняў ідэнтыфікацыі работнікаў арганізацый. Часта тыя адмаўляюцца назваць сваё імя, калі кліент тэлефануе. У любым выпадку, рыэлтар мусіць прадстаўляцца і пры сустрэчы паказваць плястыкавае пасьведчаньне, нават калі яго пра гэта і ня просяць.
Паколькі парушэньняў было выяўлена нямала, рыэлтарскія кампаніі, хутчэй за ўсё, намёк Міністэрства зразумелі і да парады прыслухаюцца.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары