Сёння гарэў элітны дом на Чарвякова ў Мінску, людзі актыўна здымалі на відэа
Сёння, 20 чэрвеня, у 14.15 адбылося ўзгаранне даху элітнага жылога дома па вул. Чарвякова 3 у Мінску.
Праз 10 хвілін на месца здарэння прыбылі пяць пажарных разлікаў Партызанскага і Цэнтральнага раёнаў і тры машыны медыцынскай дапамогі.
Пажарныя адразу ж пачалі паліваць дах дома з высоўнай лесвіцы з-за чаго вакол дома ўтварылася шчыльная дымавая завеса.
У момант, калі гарэла гарышча дома ў кватэры пад самым месцам пажару, на пятым паверсе яшчэ знаходзілася дзяўчына, якая спрабавала зняць пажарных на свой iPad.
Многія работнікі магазінаў, размешчаных у будынку, пакінулі яго і сталі здымаць пажар на відэа.
З-за пажару ДАІ прыйшлося часткова перакрыць рух па вул. Чарвякова. Барацьба з агнём працягваецца.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары