Мінабароны Літвы выказалася пра стварэнне расійскай авіябазы ў Лідзе
Мінабароны Літвы лічыць, што стварэнне расійскай авіябазы ў Лідзе не нясе дадатковай ваеннай пагрозыМіністэрства абароны Літвы лічыць, што стварэнне расійскай авіябазы ў Лідзе не нясе дадатковай ваеннай пагрозы, але ў палітычным сэнсе гэта не з’яўляецца дэманстрацыяй добрай волі з боку Расіі і Беларусі.
«У ваенным сэнсе гэта не стварае дадатковай пагрозы. У палітычным сэнсе гэта, вядома, не з’яўляецца дэманстрацыяй узаемнага даверу і добрасуседскай волі ні з боку Расіі, ні з боку Беларусі. Усё ж Міністэрства абароны лічыць, што Беларусь не з’яўляецца варожай дзяржавай, і як незалежная дзяржава яна мае права сама вырашаць, дазваляць ствараць на сваёй тэрыторыі ваенныя базы іншай дзяржавы ці не», — гаворыцца ў пададзеным агенцтву BNS каментарыі Мінабароны.
У той жа час кіраўнік камітэта па пытаннях нацыянальнай бяспекі і абароны сейма Артурас Паўлаўскас лічыць, што сканцэнтраванне побач з мяжой Літвы ваенных сіл Расіі не палепшыць адносіны з Літвой.
Паводле яго слоў, мэта ваеннай авіябазы, што ствараецца ў Беларусі, — дэманстрацыя ЕС і НАТА ваеннай моцы.
«Вельмі дзіўна выглядае, калі на дыпламатычным узроўні мы гаворым пра пацяпленне двухбаковых адносінаў Літвы і Расіі, аднак ажыццяўляюцца такія ваенныя дзеянні, якія зусім не садзейнічаюць развіццю добразычлівых адносінаў і выклікаюць пагрозу. Мы добра бачым, што побач з нашай мяжой канцэнтруецца ваенная сіла, ажыццяўляюцца стратэгічныя планы Саюзнай дзяржавы, праз якія імкнуцца аказваць уздзеянне на нашу ўнутраную палітыку», — гаворыцца ў заяве Паўлаўскаса, якую распаўсюдзіў парламенцкі аддзел па сувязях з грамадскасцю.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары