Нават на палітычныя размовы некалькіх чалавек у прыватным доме неабходны дазвол паліцыі.
Парламент Уганды прыняў спрэчны закон, які забараняе публічныя дэманстрацыі. Закон быў прыняты, нягледзячы на жорсткую крытыку з боку праваабаронцаў, рэлігійных лідараў, дэпутатаў ад апазіцыі і грамадскасці.
Крытыкі новага закона кажуць пра тое, што кіроўная партыя прэзідэнта Ёверы Мусавені спрабуе здушыць іншадумства.
Паводле новага закона, нават некалькі чалавек, якія збіраюцца ў сябе дома, каб абмеркаваць палітычныя праблемы, павінны атрымаць дазвол паліцыі.
Праваабарончая арганізацыя Amnesty International лічыць закон сур’ёзным ударам па адкрытай палітычнай палеміцы ў краіне.
Ёверы Мусавені прыйшоў да ўлады ў 1986, зрынуўшы тагачаснага дыктатара Мілтана Аботэ.
Першапачаткова Мусавені лічыўся адным з «новых» лідараў у Афрыцы, якія накіроўваюць свае краіны па шляху развіцця і дэмакратыі.
Прыхільнасць Мусавені прынцыпам дэмакратыі ставіцца пад пытанне многімі заходнімі краінамі.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары