У ДТЗ у Рагачоўскім раёне загінуў бяспраўнік, якога тройчы затрымлівалі п'яным за рулём
ДТЗ адбылося вечарам 30 кастрычніка на аўтадарозе Крычаў — Бабруйск — Івацэвічы.
Мужчына, які кіраваў аўтамабілем «Масквіч-412», выехаў на паласу сустрэчнага руху, дзе сутыкнуўся з аўтамабілем «ДАФ» з паўпрычэпам.
У выніку ДТЗ вадзіцель «Масквіча» загінуў на месцы, а яго пасажыры з траўмамі былі дастаўлены ў Рагачоўскую бальніцу.
Як паведамілі БелаПАН у прэс-службе УУС Гомельскага аблвыканкама, загінулы вадзіцель з 2009 года тры разы затрымліваўся за кіраванне ў стане алкагольнага ап'янення, у 2010 годзе рашэннем суда быў пазбаўлены права кіравання транспартнымі сродкамі на пяць гадоў.
За мінулыя суткі супрацоўнікамі Дзяржаўтаінспекцыі Гомельскай вобласці было выяўлена 1.046 парушэнняў правіл дарожнага руху. У прыватнасці, 16 вадзіцеляў кіравалі транспартам у стане алкагольнага ап'янення, 232 вадзіцелі перавысілі хуткасць руху, 66 вадзіцеляў не прышпіліліся рамянямі бяспекі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары