У вёсцы Капцёўка сяляне на сходзе патрабавалі спыніць знішчэнне свінняў
У вёсцы Капцёўка каля Гародні, у якой улады патрабуюць ад сялянаў да 1 снежня пазбавіцца ад свінняў на прыватных падворках, 30 кастрычніка адбыўся сход супраць незаконных патрабаванняў уладаў.
Сход прайшоў каля будынку сельсавету. У ім узялі ўдзел каля 30 сялянаў. На сход былі запрошаныя старшыні райвыканкаму, сельсавету і калгасу, паведамляе сайт bchd.info.
Калі старшыні сельсавету і калгасу ў сходзе ўдзельнічалі, то замест старшыні райвыканкаму прыехалі міліцыянты і людзі ў цывільным з Гародні, якія здымалі мітынгоўцаў на фота і відэа, распавёў жыхар Капцёўкі, каардынатар аргкамітэту БХД па Гарадзеншчыне Мікола Баўсюк.
На сход таксама запрасілі журналістаў Белсату, але ўлады не далі ім здымаць тое, што адбывалася.
Заклікаў сялянаў разыходзіцца і старшыня СПК Рышард Папко, у той час як старшыня сельсавету Іван Сліжэўскі часта нават не меў чаго адказаць на пытанні мітынгоўцаў.
На сходзе сяляне, у некаторых з якіх шматдзетныя сем'і, адзначалі, што знішчэнне свінняў пакіне іх без сродкаў да існавання. Гучалі заклікі і да актыўнай абароны прыватных гаспадарак ад уладаў.
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на грошы са збору на хворае дзіця?28
Каментары