Ва ўрадзе прыдумалі, як зрабіць, каб беларус «лішні раз» не ехаў за мяжу
Пра гэта ў чацвер распавёў намеснік прэм'ер-міністра Пётр Пракаповіч.
«Гэта няправільна, што адзін і той жа тэлевізар з Еўропы у нас каштуе даражэй, чым у Маскве (адтуль ён прывозіцца), — цытуе словы Пракаповіча БелТА. — Для гэтага няма ніякіх падставаў. Няма падставаў для таго, каб ехаць за гэтым тэлевізарам у Маскву, калі можна наўпрост везці яго з Еўропы».
Таму пасярэднікі павінны быць выдаленыя, адзначыў віцэ-прэм'ер.
Паводле Пятра Пракаповіча, урад не спадзяецца толькі на прыватнікаў, што яны пачнуць наўпрост працаваць з вытворцамі, бо яны «нярэдка пераследуюць свае пэўныя мэты». Усім оптавым арганізацыям, у якіх маецца доля дзяржавы, і якія падначаленыя Мінгандлю, «дадзенае даручэнне неадкладна ўключыцца ў набыццё імпартных тавараў наўпрост з вытворцамі па самых нізкіх коштах». Каб скласці канкурэнцыю тым жа прыватнікам і «збіць цэны на імпартныя тавары».
Пётр Пракаповіч перакананы, што «гэта не толькі зменшыць кошт тавараў тут у нас, але і створыць перадумовы для таго, каб нашыя людзі не ехалі лішні раз за гэтым жа таварам у Польшчу, Літву і г. д.».
І гэта прынясе дадатковыя грошы, у якіх мае такую вострую патрэбу эканоміка нашай краіны.
Цяпер чытаюць
У Суле адзначылі Купалле. Гасцей было столькі, што на дарогах утварыліся заторы5
Каментары