2 лістапада ў беларусаў адзначаюцца Дзяды, дзень калі ўспамінаюць усіх памерлых.
Праваслаўныя традыцыйна адзначаюць Дзяды ў першую суботу перад 8 лістапада (Змітраўская бацькоўская субота), і сёлета гэты дзень акурат прыпадае на 2 лістапада. Каталікі таксама адзначаюць гэты дзень 2 лістапада.
Згодна з традыцыяй, сёння прынята наведваць могілкі і асаблівым чынам маліцца за памерлых.
На Дзяды гатавалі рытуальныя стравы (7 і больш няцотных святочных і абрадавых страваў). Абавязковымі былі куцця, клёцкі, бліны, мяса, яечня.
Паводле звычаю, ад кожнай стравы ў асобны посуд адкладвалі па кавалачку для нябожчыкаў і пакідалі на ноч: лічылася, што душы памерлых продкаў, якія прыходзяць на Дзяды, трэба пачаставаць. А пасля вячэры са стала не прыбіралі — для таго, каб памерлыя маглі за ім пасядзець у цішыні.
Абрад паклікання душаў продкаў апісаны ў паэме А. Міцкевіча «Дзяды».
Некалі ў незалежнай Беларусі Дзяды былі недзяржаўным святам у краіне, але потым выходны дзень адмянілі.
У нядзелю, 3 лістапада, адбудзецца традыцыйнае шэсце і мітынг у Курапаты,
заяўнікам выступае Кансерватыўна-хрысціянская партыя БНФ, а далучаюцца ўсе ахвотныя і неабыякавыя. Шэсце дазволена ўладамі.
Збор удзельнікаў у нядзелю а 10:30 каля Гадзіннікавага завода (ст. метро «Парк Чалюскінцаў»). З 11:00 да 14:30 — шэсце ў Курапаты.
Сіноптыкі абяцаюць на нядзелю добрае надвор'е.
Толькі з раніцы ёсць верагоднасць невялікага дажджу, а днём будзе +10-12 градусаў цяпла.
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны7
Каментары