Цацкі зьніклай ангельскай дзяўчынкі Мадлены Маккен будуць перададзеныя беларускім дзецям, якія ў выніку самых розных прычын пазбаўленыя шчасьлівага дзяцінства. Так вырашылі бацькі дзяўчынкі – Джэры і Кейт Маккены, перадае ВВС.
Чатырохгадовая Мэдлін Маккэн была выкрадзеная ў часе адпачынку сям’і ў Партугаліі сёлета ў траўні.
З таго часу аднавяскоўцы, а таксама многія іншыя брытанцы, якія сымпатызавалі гэтай сям’і, сымбалічна прыносілі для дзяўчынкі на мэмарыял ў Лестэршыры шматлікія лялькі і цацкі.
Паводле бабулі Мадлены Джэнэт Кенэдзі, цяпер яна і сябры сям’і штодня пакуюць пасылкі для беларускіх дзяцей. У кожную скрынку разам зь лялькамі ды цацкамі кладзецца невялікае фота дзяўчынкі. Усяго ў Беларусь накіруюць каля 2 тысяч пасылак.
Тым часам экспэрты-крыміналісты па-ранейшаму называюць справу выкраданьня дзяўчынкі надзвычай загадкавай. Да апошняга часу партугальская паліцыя падазравала ў злачынстве як саміх бацькоў, так і іх сяброў. Днямі, пасьля таго як у рукі паліцыі трапіў здымак, зроблены ў Марока ў жніўні, у сьледзтва зьявілася новая дэталь у справе. Аднак у сьледчых па-ранейшаму адсутнічаюць дакладныя вэрсіі злачынства.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно13
Каментары