Лідар фракцыі «Бацькаўшчына» Арсеній Яцанюк прапанаваў удзельнікам праўладнага мітынгу, які адбудзецца ў Кіеве на выходных, наведаць канцэрт гурту «Океан Ельзи» на Майдане Незалежнасці ў 21:00 у суботу.
«Мы спецыяльна адвядзем месца для гэтых людзей там, наверсе на вул. Інстытуцкай. Няхай прыходзяць на Майдан і на канцэрт», - сказаў ён на мітынгу ўвечары. «Гэта нашы браты і сёстры, яны ўкраінцы незалежна ад таго, на якой мове гавораць і адкуль яны родам», — адзначыў Яцанюк.
У сваю чаргу, лідар партыі «УДАР» Віталь Клічко заклікаў «майданаўцаў» у выходныя не паддавацца ні на якія правакацыі і не выяўляць агрэсіі.
«У каго будзе хоць нейкая агрэсія, той будзе мець справу са мной», — дадаў Клічко.
Як паведамлялася, гурт «Океан Ельзи» выступіць на Майдане у сваім «залатым» складзе.
Улада звозіць на выходныя ў Кіеў каля 200 тыс. чалавек.
Мітынгі ў падтрымку Віктара Януковіча будуць праходзіць на Еўрапейскай плошчы ўкраінскай сталіцы. Апазіцыя збірае Народнае веча на 13:00 (па Мінску) у нядзелю, 15 снежня.
Учора таксама А. Яцанюк выказаў меркаванне, што 16-17 снежня стануць вызначальнымі для краіны.
«Януковіч едзе 17-га ў Маскву. Мы ведаем, з чым ён едзе. Ён хоча прадаць Украіну Расіі. Толькі ад нас залежыць, ці падпіша ён пагадненне з Мытным саюзам ці не», — сказаў Яцанюк.
«Мы не павінны даць Януковічу шанцу на падпісанне пагаднення аб уступленні Украіны ў новы Савецкі Саюз», — дадаў дэпутат.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары