У Магілёве ва ўдзельніка групы «Стоп-падатак» зрабілі ператрус, забралі наўтбук
У Магілёве 23-гадовы ўдзельнік групы «Стоп-падатак» у сацыяльнай сетцы «УКантакце» Антон Касцоў абвінавачваецца ў парушэнні арганізацыі і правядзення масавага мерапрыемства.
Як паведаміў БелаПАН Касцоў, у групе «Стоп-падатак», якая з'явілася як адгалінаванне групы «Стоп-страх», абмяркоўвалася магчымасць правядзення 27 снежня другой акцыі пратэсту аўтамабілістаў супраць увядзення падатку на допуск аўтамабіляў да руху. Днём 24 снежня да яго дамоў прыехаў намеснік начальніка Кастрычніцкага РАУС, які запатрабаваў ад маладога чалавека выдаліць з сацыяльнай сеткі ўсю групу.
Касцоў, паводле яго слоў, не мог гэтага зрабіць, бо з'яўляўся не стваральнікам групы, а толькі яе ўдзельнікам.
Малады чалавек выдаліў з групы ўсе свае запісы, пра што пазней пісьмова інфармаваў кіраўніцтва Кастрычніцкага РАУС. «Я паехаў у РАУС. Па дарозе звязаўся з чалавекам з іншага горада, і ён гэту групу выдаліў. Я прыйшоў, сказаў, што група выдалена, але яны ўсё адно склалі на мяне пратакол аб адміністрацыйным правапарушэнні на падставе часткі 1 артыкула 23.34 КоАП», — паведаміў актывіст.
Паводле слоў Касцова, затым супрацоўнікі міліцыі разам з ім паехалі да яго дамоў і забралі наўтбук, склаўшы пратакол. «У чацвер яны пры мне адкрыюць наўтбук, каб паглядзець маю перапіску, у тым ліку ў групе», — сказаў ён.
Актывіст сцвярджае, што тое, у чым яго абвінавачваюць, ён рабіў свядома, выказваючы сваю грамадзянскую пазіцыю супраць новага транспартнага падатку, які ўводзяць улады.
«Я не шкадую, што ўзяў удзел у групе «Стоп-падатак», — заявіў ён.
Санкцыя часткі 1 артыкула 23.34 КоАП прадугледжвае папярэджанне ці штраф у памеры да 30 базавых велічынь (да 3,9 млн. рублёў), ці адміністрацыйны арышт.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары