Апеляцыю гісторыка Іны Соркінай не прынялі: яе чакае звальненне з Гродзенскага ўніверсітэта
Навуковая рада Гарадзенскага ўнівэрсітэта не падтрымала апеляцыі кандыдата гістарычных навук Іны Соркінай. Бліжэйшымі днямі спадарыню Соркіну звольняць.
Універсытэцкая камісія па прававых і сацыяльных пытаннях разгледзела напярэдадні яе заяву на імя рэктара Андрэя Караля. Іну Соркіну не пераабралі на пасаду дацэнта, што азначае звальненне.
Яна прасіла правесці конкурс паўторна. У сваёй заяве яна таксама напісала, што былі парушаны заканадаўча замацаваныя крытэры адбору кандыдатаў, а таксама некаторыя працэдурныя моманты. У прыватнасьці, паседжанне кафедры прайшло без абмеркавання кандыдатур.
Камісія вырашыла, што няма падставаў ні дзеля таго, каб праводзіць паўторны конкурс на пасаду дацэнта, ані каб выносіць пытанне наконт Іны Соркінай на паўторнае галасаванне ўніверсітэцкай рады.
Пастанову прынялі большасцю галасоў, устрымаўся толькі адзін.
Іна Соркіна мяркуе, не зважаючы на звальненьне, працягнуць сваю навуковую і пэдагагічную дзейнасць, але працу давядзецца шукаць.
Раней з універсітэту звольнілі двух выкладчыкаў-гісторыкаў. Адзін зь іх, прафэсар Вячаслаў Швед, так і не знайшоў новай працы.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця28
Каментары