Грамадства77

Дасведчанаму айцішніку з EPAM прысудзілі калонію за данаты. Пагражала да васьмі гадоў

У 2021 годзе Андрэя Загорскага жорстка затрымліваў ГУБАЗіК за актывізм у Новай Баравой.

Андрэй Загорскі. Фота з ягонай старонкі Укантакце

Андрэю Загорскаму 37 гадоў. Ён родам з Докшыцаў. Пасля школы ў 2006 паступіў у Беларускі дзяржаўны ўніверсітэт інфарматыкі і радыёэлектронікі. Загорскі вучыўся на адным з самых прэстыжных айцішных факультэтаў Беларусі — камп'ютарных сістэм і сетак, па спецыяльнасці «вылічальныя машыны, сістэмы і сеткі». Прапісаны ў Копішчы — фармальна гэта Мінскі раён, але па сутнасці амаль Мінск.

Падчас вучобы Андрэй пачаў працаваць у EPAM. Мяркуючы па Linkedin, ён апошнім часам працаваў на пасадзе Lead Software Engineer — кіраваў часткай каманды распрацоўкі на праекце. Невядома, жыў ён апошнім часам у Беларусі ці не.

Вядома, што ён шмат падарожнічаў. Вось, напрыклад, ягонае фота з Таронта на фоне CN Tower.

Андрэй Загорскі ў 2021 годзе. Фота з ягонай старонкі Укантакце

Упершыню яго затрымліваў ГУБАЗіК у сакавіку 2021 года. Загорскі быў мадэратарам чата «Новая Баравая 98%». У яго дома знайшлі 1500 улётак і канфіскавалі тэлефон.

Што з ім адбывалася далей — невядома. Але канчаткова яго затрымалі ці ў канцы 2024 года, ці ў пачатку 2025 года.

Андрэя Загорскага асудзілі да калоніі па двух артыкулах — ч. 1 і ч. 2 арт. 361-2 КК (фінансаванне экстрэмісцкай дзейнасці) і ч. 2 арт. 361-4 КК (садзейнічанне экстрэмісцкай дзейнасці). Яму пагражала да ад 2 да 8 гадоў калоніі, але прысуд і сутнасць абвінавачання невядомыя.

«Наша Нiва» — бастыён беларушчыны

ПАДТРЫМАЦЬ

Каментары7

  • Ад Рэд.
    05.07.2025
    Данііл, дзякуй, выправілі
  • Рукалицо
    05.07.2025
    Ребят, если были донаты, то уезжайте. Они не успокоились.
  • Синус
    05.07.2025
    А почему не уехал? Чего ждал?

Цяпер чытаюць

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць4

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць

Усе навіны →
Усе навіны

ЗША адклалі ўзгодненую пастаўку Patriot Швейцарыі, бо ў прыярытэце Украіна3

Зяленскі расказаў пра «мегаздзелку» з ЗША па ўзбраеннях1

TikTok разблакаваў акаўнты Святланы Ціханоўскай і Паўла Латушкі. Як гэтага дамагліся?1

Навукоўцы адкрылі нечаканае ўздзеянне ківі на арганізм4

У Магілёве супрацоўніца дзіцячага садка выхоўвала малых, размазваючы ім пясок па тварах ВІДЭА3

УПЦ Маскоўскага патрыярхату далі месяц на разрыў адносін з Масквой5

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек23

Вадзім Скрыпчанка больш не галоўны трэнер мінскага «Дынама»1

У Слоніме мужчына разганяў сум, страляючы па вокнах суседзяў1

больш чытаных навін
больш лайканых навін

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць4

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць

Галоўнае
Усе навіны →

Заўвага:

 

 

 

 

Закрыць Паведаміць