У матчы 13-га туру баскетбольнага турніру Адзіная ліга ВТБ (які аб'ядноўвае каманды Расіі, Беларусі, Украіны, Казахстана, краін Балтыі, Польшчы і Чэхіі) мінскія «Цмокі» прайгралі 2 лютага ў Маскве ЦСКА з лікам 68:89 (20:21, 16:20, 20:19, 12:29).
Найлепшым у «Цмокаў» быў Бранка Міркавіч (17 ачкоў).
Гэта ўжо шостая запар параза мінчукоў у турніры, апошні раз «Цмокі» перамагалі 17 лістапада (у Мінску над «Астаной» — 82:68).
Становішча камандаў: 1. Хімкі — 13 перамогаў, 0 паразаў, 2. ЦСКА — 12-2, 3. Трыумф — 7-5, 4. ВЭФ — 6-8, 5. Астана — 6-8, 6. Чырвоныя Крылы — 5-7, 7. Чырвоны Кастрычнік — 4-8, 8. Цмокі — 4-8, 9. Няптунас — 3-9, 10. Азоўмаш — 3-10.
Сёння таксама «Астана» гуляе з «Азоўмашам», а «Трыумф» з «Няптунасам».
У наступны раўнд (чвэрцьфінал) гарантавана выходзяць дзве першыя каманды ў групе, а клубы, што зоймуць з 3-га па 6-е месца, згуляюць паміж стыкавыя матчы, каб вызначыць удзельнікаў чвэрцьфіналу.
Наступны матч «Цмокі» правядуць 16 лютага: на «Мінск-Арэне» яны сустрэнуцца з «Азоўмашам». Затым — дзве гульні ў гасцях: з «Астаной» і «Хімкамі».
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»21
Каментары