Расійская Федэрацыя з-за пазіцыі Еўрапейскага Саюза ў справе Украіны ў канцы мінулага тыдня вырашыла пачаць з еўрапейцамі гандлёвую вайну, увёўшы забарону на пастаўку свініны. Пра гэта сёння піша польская Gazeta Wyborcza.
«Пасля саміту ў Брусэлі, на якім ЕС не пакінуў Украіну, Расія пачала гандлёвую вайну з Еўропай — эмбарга на пастаўкі свініны. А Беларусь не будзе купляць бульбу ў ЕС», — піша выданне.
Расія тлумачыць забарону выпадкамі афрыканскай чумы ў Літве, адзначаючы, што эмбарга датычыць ўсіх дзяржаваў Еўрасаюза. Між тым калі хвароба свіней распаўсюдзілася на Беларусь, то забарона тычылася толькі тых раёнаў, дзе яна была зафіксавана. Зрэшты, гэтая хвароба ў Літву прыйшла праз Беларусь з Расіі, дзе існуе шмат агмянёў інфекцыі.
Газета паведамляе, што Расія тлумачыць забарону выпадкамі афрыканскай чумы ў Літве, адзначаючы, што эмбарга датычыць усіх дзяржаваў Еўрасаюза.
«Гэта забарона з'яўляецца непрапарцыйнай. Нашы расійскія партнёры забараняюць экспарт нават з тых дзяржаў ЕС, дзе няма такіх выпадкаў», — заявіў еўракамісар па пытаннях здароўя Тоніа Борг.
Расія купляе каля чвэрці экспарту свініны з дзяржаў Еўрасаюза — каля 700 тысяч тон на суму 1,4 млрд еўра.
Васкрасенскі: Адкрываецца неба — і Алесь Бяляцкі адразу выходзіць31
Каментары