Заснаваны краінамі — сябрамі ЕС Еўрапейскі інвестыцыйны банк (European Investment Bank, EIB) заявіў у сераду, што замарожвае дзейнасць ва Украіне пасля таго, як тут загінулі 26 чалавек за самы крывавы дзень у яе постсавецкай гісторыі.
«Паколькі сітуацыя развіваецца па такім жорсткім сцэнары, было б палітычна памылковым сігналам і безадказным… працягваць бізнес ва Украіне», — сказаў журналістам прэзідэнт банка Вернер Хоер.
Іншы еўрапейскі інстытут развіцця, ЕБРР, заявіў, што не прыпыняе аперацыі ва Украіне, але сканцэнтруецца на дапамозе прыватнаму сектару, а не дзяржаўным установам.
Еўракамісія заявіла, што краіны блока спадзяюцца неўзабаве ўзгадніць кропкавыя санкцыі ў дачыненні да асоб, адказных за гвалт ва Украіне.
Цяпер чытаюць
«Чакаю тавар ужо 13 дзён». Што пішуць кліенты аб праблемах Wildberries6
Каментары