Курэйчык: Кіеўскіх снайпераў і іх камандзіраў трэба пасадзіць да апошняга чалавека
Дзень добрых навін. Майдан перамог. Цімашэнка на волі. Вярнулася парламенцкая рэспубліка. Кошт яе — каля ста жыццяў. Маё меркаванне такое: трэба знайсці снайпераў, якія стралялі ў людзей, іх камандзіраў, якія аддавалі такія загады, і пасадзіць. Усіх. Без жалю і выключэнняў. Без сопляў, тыпу «мы выконвалі загад і бла-бла-бла», «мы ліквідавалі беспарадкі і бла-бла-бла», «мы абаранялі органы ўлады ад банд і фашыстаў і бла-бла-бла»… Пасадзіць за забойствы і замах на забойства.
Павінны сесці беркутаўцы і ВВшнікі. І тыя, хто іх накіроўваў. А іх сем'і павінны плаціць грамадзянскія пазовы сем'ям забітых. Гэта павінна стаць урокам: будзеш абараняць дыктатара ад свайго народа — страціш працу. Ужывеш на загад дыктатара супраць народа сілу — сядзеш, а сям'я твая навечна не расплаціцца. Дыктатар паляціць у Дубаі, уцячэ — а ты сядзеш. Для нашых і рускіх АМАПаўцаў — гэта будзе карысны ўрок.
У 2004 усім фальсіфікатарам, па сутнасці, даравалі і ў выніку праз 7 гадоў атрымалі Януковіча. Зараз ніякага прабачэння — як Нюрнбергскі трыбунал або пошук літоўцамі амапаўцаў, якія забівалі ў 1991. Да апошняга падонка. Тысячы злачынцаў супраць украінцаў павінны сесці.
Ва ўлады павінен сфармавацца жывёльны страх перад сваім народам. Каб больш думка — ужыць снайпераў або парушыць свае абяцанні — не магла прыйсці ім у галаву! Нельга, каб снайпер сёння страляў за Януковіча, а заўтра за Цімашэнку, і каб ім гэта сыходзіла з рук, маўляў, праца такая! Загадаў стрэліць — стрэльнуў — у турму! Гэта трэба ўбіць ім у мозг раз і назаўсёды!
Цяпер чытаюць
Арыштаваны дырэктар Палаца Рэспублікі, адзін з арганізатараў Марафона адзінства10
Каментары