Улад Зубенка памёр сёння ў 18:35, пра гэта паведаміла на сваёй старонцы ў фэйсбуку Варта Кіева. Улад атрымаў кулявое раненне на вуліцы Інстытуцкай 20 лютага.
Яму было 22 гады. Улад Зубенка быў чыгуначнік, жыў у Харкаве, працаваў на Паўднёвай чыгунцы, калі ў лютым сітуацыя ў Кіеве абвастрылася, скіраваўся туды, зарэгістраваўся ў сотні Майдану. Ён выйшаў бараніць Кіеў у рыцарскіх латах (захапляўся гістарычнымі рэканструкцыямі).
Куля з аўтамата АК-47 трапіла яму ў жывот, закранула печань, нырку, лёгкае і нервовыя канчаткі хрыбта, прабіла дыяфрагму. З поля бою хлопца адцягнулі паплечнікі. Адвезці яго ў шпіталь магчымасці не было — «хуткія» на Майдан не пускалі. На выручку прыйшлі людзі з пасольства Вялікабрытаніі, якія далі сваю машыну. Сёння Улад памёр.
Такім чынам колькасць ахвяраў крывавых сутычак у Кіеве 18—21 лютага вырасла да 84 чалавек.
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі12
Каментары