Пасольства Ізраіля ў Беларусі спыніла працу разам з іншымі ізраільскімі дыпламатычнымі прадстаўніцтвамі па ўсім свеце, якія аб'явілі бестэрміновую забастоўку.
Пра гэта паведаміла прэс-сакратар пасольства Вольга Дзмітровіч.
Прафсаюз ізраільскіх дыпламатаў аб'явіў аб спыненні з 24 сакавіка працы ўсіх замежных устаноў і цэнтральнага апарату МЗС, дабіваючыся ад урада павышэння зарплат і паляпшэння ўмоў працы. Забастоўка з'яўляецца бестэрміновай і распаўсюджваецца на ўсе 103 пасольствы, консульствы Ізраіля і прадстаўніцтвы краіны пры міжнародных арганізацыях.
«Пасольства ў Беларусі адновіць сваю працу пасля таго, як МЗС прыме якія-небудзь меры па выкананні патрабаванняў прафсаюза», — сказала Дзмітровіч.
Яна таксама паведаміла, што на сайце пасольства апублікаваны электронны адрас прафсаюза, па якім у выпадку экстранай неабходнасці можна высылаць просьбу на атрыманне візы ў Ізраіль.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары