Сёння ў Горлаўцы сепаратысты захапілі будынак Горлаўскага гарупраўлення міліцыі ў Данецкай вобласці.
«У 12.50 частцы асабовага складу аддзялення ва ўнутраным двары нехта ў камуфляжы, які адрэкамендаваўся падпалкоўнікам расійскага войска з Сімферопаля і прад'явіў расійскі пашпарт «прадставіў» новага начальніка — чалавека ў цывільным Шульжэнку Аляксандра Фёдаравіча», — паведамляе дэпутат Адэскага аблсавета Аляксей Ганчарэнка.
У той жа час, з разгромленага будынка вывелі дзеючага начальніка. Зброю афіцэр сепаратыстам не здаў, яго пасадзілі ў машыну.
Паводле слоў Ганчарэнкі, Горлаўка была адным з нямногіх гарадоў Данецкай вобласці, дзе міліцыя на чале з палкоўнікам Андрэем Крышчанкам аказвала супраціў сепаратыстам. Аднак за двое сутак ніхто да іх не прыйшоў на дапамогу і аддзяленне міліцыі здалося.
Ганчарэнка распавёў, што штурмаваў аддзяленне міліцыі натоўп з 200-250 чалавек, якія былі з георгіеўскімі стужкамі, у масках. Яны былі ўзброены камянямі, палкамі, металічнымі шчытамі, кактэйлямі Молатава.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам22
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары