Як паведамілі УНІАН ва Ўпраўленні сувязяў з грамадскасцю МУС Украіны, у межах расследавання крымінальнай вытворчасці аб масавых беспарадках 2 мая ў Адэсе былі затрыманыя 172 асобы.
Пасля правядзення адпаведных следчых дзеянняў частку з іх адпусцілі пад асабістае забавязанне. 127 чалавек затрыманыя як актыўныя ўдзельнікі масавых беспарадкаў, і з імі праводзіцца комплекс дасудовых следчых мерапрыемстваў.
Падчас следчых дзеянняў праваахоўнікі канфіскавалі ў затрыманых агнястрэльную, наразную, гладкаствольную і траўматычную зброю, значную колькасць запальнай сумесі.
У МУС адзначылі, што беспарадкі ў горадзе старанна рыхтаваліся. Большасць затрыманых асобаў, якія на дадзены час ужо ідэнтыфікаваныя, з'яўляюцца грамадзянамі Расійскай Федэрацыі і жыхарамі Прыднястроўя.
Нагадаем, што 2 мая ў Адэсе адбыліся сутыкненні паміж сепаратыстамі, узброенымі агнястрэльнай зброяй, і праўкраінскімі актывістамі, сярод якіх было шмат ультрас. Загінулі некалькі актывістаў. У адплату актывісты на Куліковым полі разграмілі лагер сепаратыстаў, якія забарыкадаваліся ў Доме прафсаюзаў. У будынку пачаўся пажар, у выніку якога таксама загінулі людзі.
Паводле апошніх звестак, у Адэсе пасля учорашніх сутыкненняў у бальніцы звярнуліся 214 пацярпелых, з іх 27 — у вельмі цяжкім стане. Загінулі 46 чалавек.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары