Легендарны футбаліст Альфрэда дзі Стэфана памёр сёння ў адной з клінік Мадрыда, паведамляюць сусветныя СМІ.
Дзі Стэфана 4 ліпеня споўнілася 88 гадоў, на наступны дзень ён перанёс сардэчны прыступ і быў уведзены ў штучную кому.
Альфрэда Дзі Стэфана нарадзіўся ў Аргенціне ў 1926 г., ён адзін з самых вядомых гульцоў у свеце. З 1956 па 1960 у складзе мадрыдскага «Рэала» выйграваў Кубак еўрапейскіх чэмпіёнаў. З каралеўскім клубам таксама выйграў восем чэмпіянатаў Іспаніі. У 282 матчах чэмпіянату забіў 216 галоў.
У 1957 і 1959 гг. ён атрымліваў «Залаты мяч» часопіса «Франс футбол» — узнагароду найлепшаму гульцу Еўропы.
Яго бацькі былі італьянцы. Кар'ера футбаліста пачалася ў «Рывер Плэйце» ў Буэнас-Айрэсе. Падчас 22-гадовай кар'еры ён гуляў у зборных Аргенціны, Калумбіі і Іспаніі, але ніколі не ўдзельнічаў у чэмпіянаце свету. Ён скончыў сваю кар'еру ў 1967 годзе ва ўзросце 40 гадоў. Быў ганаровым прэзідэнтам «Рэала», яго імем названы прыз найлепшаму гульцу чэмпіянату Іспаніі.
Цяпер чытаюць
Топ сучасных элітных жыллёвых комплексаў Мінска. Квадрат там каштуе да 11 000 даляраў4
Каментары